أبي طريقه الكلوب ساندويتش والبريوش والبطاط المهروسه مع الكريمه

انا طريقتي بالبريوش غير شوفي اتييبين البريوش وتحفرينه مثل الصحن وبعدين تبتدين اتسوين خلطتج اللي اهي:
اتييبين دياي ساديا صدور وتقطعينه صغار وتنقعينه مع بصله مفرومه و مايونيز وشويه صلصة الصويا نص ساعه بالثلاجه و تقومين اتحطين علبة كريمه حمره و نص جبن قلاص كرافت و وقفشة صغيره اجينا موتو (بودرة اتلاقينها بالجمعيه) وتخلطينهم بالخلاط وعقب اتضيفين عيها علبة مشروم مقطع شرايح وتخلطينهم مع الدياي على الجوله على نار هاديه واتضيفين عليها مكعب ماجي اتذوبينه في شوية ماي واتخلينه لين يطبخ الدياي عدل واتحطين الخلطه هذي داخل البريوش واترشين فوقها جبن تشدر مبشور وبالفرن واتبطلين الفرن من فوق بس لين يصير لونه اشقر و بالعافيه

الكلوب ساندوش عندي طريقه حلوة مالت شاي و نعنع
تكون الحشوة طبقتين
الطبقه الاولى جرجير صلصه ثاوزند ايلاند الورديه تلقينها جاهزة بالجمعيه مع صلصات السلطه تيركي (ديك رومي مدخن) طماط شرايح بدون قشر
الطبقه الثانيه تكون جرجير جبن لايس شدر شريحه بيض قرص و بيكون محمش و مايونيز

البريوش انا احشيه حمسه دجاج مسحب مه جزر مبشور و بصل و فلفل اخضر مبشور و مايونيز و ماجي و زيت زيتون شوي و جبن شدر و موزوريلا
و الماشد بوتيتو بطاط فرش تفوحينه عدل عدل لين يلين كللللللللللش تهرسينه بعد ماتقشرينه مع كريمه كي دي دي و جبن شوي و فلفل اسود و ملح و زبده او سمنه اهي اللي تعطيه النكهه و الماجي هم اتوقع يعطيه طعم و في ناس يضيفون عليه حليب بارد عشان يصير طري نفس المطاعم