أبي مساعدتكم في جدر الضغط

قوة الغاليه وقدر الضغط بالنسبه لي (ذراعي اليمين)لانه مايقصر وبسرعه يستوي فيه الاكل ولذيييييييذ مره ويساعد حيل اذا جاكم ضيوف فجأه واسوي فيه الذره أوي أكل عالبخار للي يسوون رجيم أنا قدري سب الفرنسي يجي معاه مشخال بحجم القدر هذا تحطين اللحم والخضار وتملحينهم وتبهرينهم وتحطين بالقدر ماي بس والمشخال تعلقينه فوق اكو مسامير باعلى القدر محطوطه لهالشغله بحيث ان الماي يكون تحت بس مايلامس الاكل وتطلع لش أكله عالبخار ولا ألذ أما بالنسبه للأكله المفضله عندي فهي المضغوط السعودي مره سويتها لربع زوجي بالمخيم أنهبلو عليها كلو منها لدرجة خلاص فولوا مابقى مكان للحلو منكثر ماهي لذيذه وطريقتها سهله حيييييييييل بس حطي اللحم أو الدجاج ومعاه فلفل أخضر بارد وثوم وبصل وطماط ومكعب ماجي وبهارات الكبسه السعوديه وعيش حاولي يكون المزه السعودي ومعجون طماط عشان يطلع احمر وركزي الماي لا يكون كثير يادوب يغطي المكونات بس (وعلى فكره جميع قدور الضغط ما تحطين فيها ماي أكثر من النص خطر ينفجر) هذا واتمنى اكون أفدتج