أحلى تشاينيز بأحلى بشاميل |-| بالخطوات المصوره |-|

السلام عليكم ورحمة الله وبركاته

شلووووونكم يابنااات من زمااااااااااااان
ما نزلتلكم وصفه يديده
واليوم يايتكم بطبق روووووووعه
وراح يعجب الكل i’m sure

المقادير والطريقه مع بعض ..

* نسلق المعكرونه مع ملح وشوووية زيت

* نحمس الدياي (الشاورما) اول شي بروحه لما يستوي
بعدين انظيف عليه زيت وبصل شرايح

* انضيف على الدياي فلفل اخضر بارد مقطع ومشروم فريش شرايح وعلب اخضر

* نظيف قفشتين من كل من :
كاتشب حار
صلصة HP
صلصة الباربيكيو
صلصة هاني ماسترد

* بعد ما نحمسهم عدل انضيف شوية كريما سائله (تقريبا ربع كوب او اقل شوي)

* الحين انييب بايريكس وانحط فيه اول شي الاسباجيتي وبعدين خلطة الدياي

* الحين انسوي البشاميل اللذيذ ماخذه طريقته من وحده بالمنتدى
والله مادري وين الرابط
بس بقولكم الطريقه :
تحمسين قفشة طحين مع شوووية زيت
واتصبين عليهم الحليب وثلاث حبات جبن كيري وعلبة قشطه
وشووية جبن موزاريلا مبشور
وطبعا ملح وفلفل اسود
واتحركينه عدل
(بصراحه هالطريقه فضيعه)

* اتصبين البشاميل فوق الدياي واترشين عليه جبن موزاريلا مبشور وتدخل الفرن

يتبع الشكل النهائي ..