الســـــــــــــــــــــلام
من يومين رديت من دبي .. دارالحي،،، بلد الحضاة والرقــي
بصراحة كانت من اروع سفراتي .. لا يهال لا زوج يقيد ولا عماة عين لوووول بس انا وخالاتي والوالدة
بداية
حجزنا قبلها بشهر عشان فرق السعر 
..
حجزنا على الجزيرة التذكرة طلعت 35دينــار بس على الشخص .. كنا خمس اشخاص
وبالنسبة للفنـــدق قعـدنا في chelsea tower من موقع bookig.com وكان خوش سعر
يلا نبلش
كانت طيارتنا الساعة 7الصبح . .
وبصراحة خووش خطوط .. الكراسي مريحة احسن من الكويتية والله، ومواعيدهم بالدقيقة مشالله
وهذا كان ريوقي
وصلنا الفنــدق
بصراحة موقع الفندق استراتيجي جدا
مامدانا نركب التكسي الا وصلنا الفندق
قريب من المطار وقريب اكثر من دبـي مــول
هني اللوبي .. كانو مزينين عشان الكرسمس والنيويـير
وهني المطل من الصالة . .
مشالله الشقة حلوة وايد والمكان مميز جدا .. وخلفه المترو علطول
المهم
وهذي الصالة
الشقة فيها 3 غرف و3حمامات ..
وانا صورت بس غرفتين . .
هذا جزء من الحمام اكرمكم الله
وهذا المطبخ جااهز مجهز
وهني مطل من بلكونة احدى الغرف
وهذي الغرفة الثانية
واذا نزلتو تحت الفندق .. في خووش قعدة برة والجو هالايام يهبل يعني القعدة شـــي
وهني المطاعم اللي تحت الفندق
to b continued,,,
الســـــــــــــــــــــلام
من يومين رديت من دبي .. دارالحي،،، بلد الحضاة والرقــي
بصراحة كانت من اروع سفراتي .. لا يهال لا زوج يقيد ولا عماة عين لوووول بس انا وخالاتي والوالدة
بداية
حجزنا قبلها بشهر عشان فرق السعر
حجزنا على الجزيرة التذكرة طلعت 35دينــار بس على الشخص .. كنا خمس اشخاص
وبالنسبة للفنـــدق قعـدنا في chelsea tower من موقع bookig.com وكان خوش سعر
يلا نبلش
كانت طيارتنا الساعة 7الصبح . .
وبصراحة خووش خطوط .. الكراسي مريحة احسن من الكويتية والله، ومواعيدهم بالدقيقة مشالله
وهذا كان ريوقي
وصلنا الفنــدق
بصراحة موقع الفندق استراتيجي جدا
مامدانا نركب التكسي الا وصلنا الفندق
قريب من المطار وقريب اكثر من دبـي مــول
هني اللوبي .. كانو مزينين عشان الكرسمس والنيويـير
وهني المطل من الصالة . .
مشالله الشقة حلوة وايد والمكان مميز جدا .. وخلفه المترو علطول
المهم
وهذي الصالة
الشقة فيها 3 غرف و3حمامات ..
وانا صورت بس غرفتين . .
هذا جزء من الحمام اكرمكم الله
وهذا المطبخ جااهز مجهز
وهني مطل من بلكونة احدى الغرف
وهذي الغرفة الثانية
واذا نزلتو تحت الفندق .. في خووش قعدة برة والجو هالايام يهبل يعني القعدة شـــي
وهني المطاعم اللي تحت الفندق
to b continued,,,
متابعه @@@ ياحلو دبي
نووورتـي دبي غنـآآتي والحمدلله اعجبتج وإن شالله اليايات اكثــر
حيـآج الله فـ بلدج الثـآني :* !
عثل ثل
متابعينج
**برنامج اليــوم الأول**
– من المطار الى الفندق ورتبنا اغراضنا وكل شي ..
– بعدين توكلنا على دبــي مول
قلنا نجرب المترو
ورحنا قصينا تذاكر من المترو .. التذاكر كانت على 30درهم 5اشخاص ..
عقب ماوصلنا جان يقولون لازم نركب الباص
.. .ودفعنا على الشخص 7دراهم
وسنة على ماوصلنا المجمــع ،،
والمقلب اللي صار سمعوووه
عقب ماخلصنا من دبي مول تمشينا وتعشينا وتشرينا ..
بنرد الفندق !!!!
صارت الساعة 11 جان يقولولنا المحطة صكرت @@
قلنا شنووو وتذاكرنا ؟؟ لووووووول
جان يقولون مالكم الا التكسي
دورنا ونطرنا لييييما صارت 11ونص .. عقب ماركبنا
جان نستوعب ان الفندق وااااااايد قريب من المجمع .. يعني مسافة 5دقايق بس
والتكسي خذى بس 11درهم لووووووول .. شفتو الذكــاء
بس حبينا نتفلسف ونجرب المترو بس طلع مقلب وتبهذلنا وراحو علينا تذاكر الردة لوول
المهم ..
هالصور من بعض المحلات اللي شفناهم في دبي مول العجيب
واي الشيرة تهبل .. كبيييييييييييرة حيل وتتغير الوانها .. صرنا جنا يهال متنحين فيها خخخخ
وهالمحل حيل عجبني
كاامل فيه كل منتجات نيفـــيا ..
وداخل المحل في نيفيــا سبـا . .
وهالمحل فيه عطور طبيعية .. وانواع شاي وسكاكر
بس وايد غالي
هالمحل قبال ردهة المطاعم .. في ستايلات حللللللللللوة واسعاره زوينة
^
^
يممـييييييييييييييي شنو لذيذ هالكوكي
شوفو التكنولوجيا على اصولها
اذا ظيعتي محل او تبين محل معين .. هالجهاز متروس بكل زاوية
تضغطين على اول حرف من المحل .. والشاشة ترا touch هاا.gif "Eh S(1)")
ويطلعلج مكان المحل عالشاشة مع تحديد مكانج وطريقة الوصول حق المحل
وعقب ماخلصنا مشاويرنا وتشرينا شووية .. رحنا برة صوب النافورة قعدنا في مطعم وافي جورميه حلينا وشربنا قهوة
وكانت القعدة رووووعة والجو اروع .. تمينا قاعدين 3ساعات مر الوقت جنه ساعة والله
انا طلبت شوكلت فوندو .. عــذ ا ا ا ا ا ا ب
وقضينا عليها انا وامي
لوول
خلص اليوم الاول ..
نطرووو انزل اليوم الثاني والثالت
to b continued,,,
الله يهنيج ياقلبي
متابعينج
**برنامــج اليـوم الثــاني**
-من الساعة 10 الصبح رحنا الاوت لت out-let
-دراجون مارت او السـوق الصيني
-بالليل سهرنا في الjbr او the-walk
——
مجمع الاوت لت
كان يصفر اول ماوصلنا ماكو احد
بعدين انترس كويتيات لووول
محلاته روووعة .. بصراحة المجمع مايطوف وايد حلو وعجبني
وفي جم محل للعطور .. يااي وناسة
شكثر خمطنا عطور . . وانا يبت اكثر شي عطورات الجزيرة بنص السعر اللي هنيه
بعدين صارت حزة الصلاة .. رحنا المصلى
وكان في شي لفت نظري وعجبني حيل
شوفو التطور والاهتمام .. والله الواحد يتحسف ليش ديرة حلوة مثل ديرتنا مايفكرون بأدق هالتفاصيل
المهم
خلصنا من الاوت لت خلينا تاكسينا يوصل الاغراض الفندق ورحنا السوق الصيني
طبعا مااايخلص من المحلات والدواعيس ..
ماكملناه لأن تعبنا صراحة
بس صورت محلين
هالمحل في جواتي تكرمون .. واغلبهم شوارفسكي يهبلووون حق بدل العروس
ومحل kitty
خذينا شكثر حق عيالنا البنوتات .. عندها خوش فناتك
عقب ماخلصنا من هالسوق ردينا الفندق ريحنا ساعتين وتغدينا
وبدلنا وكشخنا ورحنا الـ jbr
ونصيحة لاتطوفونه خصوصا بهالاجواء .. عالم آآآآخر
ناس روااق وجو حلو .. واهم شي اهم شي: ماكو مسخرة وكل واحد بحاله .. وناسة
مدخل لفندق السوفتيل
وبعدين قعدنا في مطعم ايطالي .. لأن كلنا من عشااق الباستا واليتزا
المطعم شنو لذيــــــــــــــذ .. صج صج وااو
وانا طلبت بيني مع الـ pink-suace من كثر ماهو لذيذ ماخليت ولا بينية لوول
نطروني اكملكم اليوم الثالث والاخير
to b continued,,,,
ويسلمو ع التقرير اللطيف حبوبةةةةةةةةةةة
كملي نااطره الباجي وخوووش اغرااض :>
**برنامج اليـوم الثالــث**-ستي سنتـــر
– مجمع تايم سكويــر
– دبي مول
——-
من الصبح طبعا رحنا حق ستي سنتر . .
انا اول مرة ادشله .. ويونس صراحة حلييو
وهذا ياهل ياحلااات قلبه كانو ملبسينه سانتا كلووز
ولما تعبنا من التشري رحنا نشرب عصير فرش . .
وبطلعتنا شفت هالمحل .. جذبني شكله حيل
وبعدين رحنا مجمع تايم سكوير عشان ندش كافيه الثلج chell-out
هذا شكل الكافيه من برة
بس مادشينا .. مادري ترددنا
لأن طلينا عليه حسيناه صغير . . وكانت الدخلة ع الشخص 60درهم مع القهوة
والمجمع بشكل عام للاسف مو حلو ولافي شي .. ضيعنا وقتنا ع الفاظي
الموووهم
بالليل رحنا دبي مول .. وكان يوم الجمعة يصادف الكرسمس وعاد شوفو الاجااانب ابدااااااع
من لبس وزحمة وازعااج
بس كانو خووووش يوم
وكنا حاجزين بمطعم كرم بيروت من يوم الاربعا حق الجمعة عشان نحصل مكان
ورحنا مبجر تمشينا بجم محل بعدين قعدنا بالمطعم ..
وطبعااااااا اول محل دشتيله ولزقت فيه كانديليشز
عذاااب ياربي هالمحل
اللي يدشله لازم اقل شي تقطين 100درهم .. هذا اقللل شي
بعدين ققرنا نصف دووور على garret popcorn لأن كان زححمة
بس قلت والله مااأمشي الا من اخذ اللي ابيه
ماأقدر اقاومه كلش كلش كلش لووول
طبعا الدور كان لي برة . . بس مشالله عليهم بسرعة يمشون الدور باي مكان .. من النظااام الزايد والناس اللي ماتخطر نااس
يوم صارت حزة حجزنا للمطعم طلعنا برة وقعدنا .. وكانت الزحمة موووووصج
ماكو مكان تمشين مشالله
وعروض النافورة كانت عجيبة .. شغلوها كل ربع ساعة بدال الثلث ساعة
وكان الجو يهبل ماقمنا الا الساعة 12 من الوناسة .. وكان في ناس مشالله توهم اييون بس الاغلبية اجانب
وردينا الفندق حدنا دايخييين نمنا علطول لأن طيارتنا كانت الساعة 10 الصبح
ووصلنا بالسلامة
وكانت خوش سفرة انصح اللي تقدر تسافر من غير ا عيال تروح وتتووكل
انا هالسنة 3مرات رحت دبي .. بس مع زوجي وبنتي . . بس هالمرة احس اني شفت اشياء ماكانت موجودة لوول يمكن لأن ماكان في احد يعور راسي لوووول
والله يخليهم لي . .ويخليلي ابو الشباب وانشالله يوافق حق السنة الياية مع ان قاللي اول واخر مرة