أحمد البرماوي ولااا عبير عوض

أنا مع أختي ام خالد دكتوره عبير عوض وااايد زينه وراح تقولج وين المدرسه إللي تناسبه

وربي يشفي اوليدج ويطمن قلبج عليه

هلا حياتيفية فرق بين الاثنين
د عبير عوض تشخص واستاذ احمد يؤهل ويعطي جلسات تعديل سلوك وتنمية مهارات
يعني د عبير سوف تشخص فقط
استاذ احمد سوف يقوم بتعديل سلوكة وعلاج نقاط ضعفة
علي ماعرف ان د عبير لا تتدخل فقط تعطي النصائح وتوضح الحالة اما الاخصائي يتدخل ويعالج
والله وياج ويفرحج بولدج

جزاكم الله خير ماقصرتوا

السلام عليكم ورحمة الله عدت اليكم بعد الانقطاع الطويل لظروف خارجة عن ارادتي واتمنى ان تقبلوني معكم من جديد

هلا وغلا وحياج الله بينا

السلام عليكم سوال لدكتور احمد عندي طفل عمر حوالي 3سنوات كثير الحركة كلام بطيئة ولكن عند النوم يضرب براسه حتى ينام مقاس راس كبير ولكن ليس بشكل الملحوظ

بصراحه انا ما انصح بالدكتور احمد البرماوي

بصراحه وديت بنتي واستغربت بالمكان اللي اهو فيه شايفه
الرجاء احترام الأشخاص وعدم الإهانه
بصراحه بنتي كبيره ثانيه روضه ومتأخره بالنطق والعقل يعني تصرفاتها وكلامها ب 3سنين وعصبيه وكله تطق روحها

لما وديتها عند الدكتور احمد قال مافيها شي وان وقته مزدحم واذا قدر يحاول يشوف لها جلسه اذا صار عنده وقت يعني اي وحده تكنسل يحطني بسرعه مكانها على عيني وراسي بس اشلون تقدر تتابع بنتي

اول شي وافقت بس بعدين تضايقت لان سألته اذا بسجل بنتي عندهم وابي اتابع حالتها يعني لازم كل فتره وفتره اقرا تقارير

قالي مافي تسجيل وتعامله وياي بس جذيه

انزين اشلون يقول ان بنتي مافيها شي بنتي الحمدلله بدت تسولف بس صعبه تركب جمله وللاسف تعابيرها كله كلام فاضي يعني ماتركب جمل مفيده لما تاخذ المفتاح وتقطه اسألها وين وديتيه ماتتذكر وتقعد تألف بالحجي جنها بو 3 سنين

كل اللي قدر يقوله بنتك متدلعه اوي

اكيد البجر وبتدلع بس مو كل دلوعه ماتفهم مع ان انا شديده عليها لان ابوها حيل يرخي وياها

بصراحه يمكن اهو زين حق اللي فيهم اعاقه قويه في المشي والنطق لان شفته يساعد طفله معاقه في المشي

انا ما انصحج بس اذا تحبين تجربين جربي بنفسج ترا ياخذ 15 دينار ومافي فتح ملف

على العموم ما اطول عليج اكثر بس انا ما ارتحت

ومشكوره