أخت رفيجتي حامل . . . و السيارة . . . رجاءا ابي تفسير

بسم الله الرحمن الرحيم

السلام عليكم و رحمه الله و بركاته

شلووونكم يا حلويين

انا عندي حلمين ودي بتفسير الصحيح لهم
و ان شاء الله ما يكونو اثغاث احلام

الحلم الاول

حلمانه انه رفيجته اختي حامل . . . (اهي هم تكون صديقتي لأني تعرفت عليها من اختي بس اهي مع اختي اكثر)

و يوم باركت لها و انا مثل المتفاجئه
جان تقول لي مو حق عيسى

(مع العلم في الواقع لا انا و لا اهيا نعرف اي شخص بهل الاسم)

و الحلم الثاني

اني انا كنت بسيارة و كان الطريق كأنه زحمه
و سيارتي مادري شفيها بس على ما اظن اني كنت معلقه بالسيارة
و في وااايد نااس برا بغى يساعدوني
و لكني رفضت و قلت في غيركم راح يساعدني
و فعلا ياه و احد و يوم شفته
حاولت اتذكرة لأنه مار علي الويه

(و لا يكون بالصج اهو انسان دربني حق الدوام ايام الميداني و لكن هذا الانسان دربني مرتين و اخر مرة شفته قبل سنه و وشوي و اللي اهو اخر تدريب)

المهم هذا الانسان ركب السيارة و انا فيها
و انا مستغربه ليش يدخل و انا ما اذنت له
المهم انه اهو طلعني و سيارة من الزحمه التعليقه اللي كنت فيها

ان شاء الله يكون كاتبه حلمي بالطريقه المفهومه

و اتمنى التفسير الصحيح

و ســـــــــــــــلام