أرجو المساعدة من مشرفات القسم ضروري

السلام عليكم ورحمة الله وبركاته

مشكلتي خواتي المشرفات والعضوات إن بنتي ألحين عمرها 6 شهور وماتحب الرضاعة وتكره الحليب وماترضع إلا عقب 4 أو 6 ساعات وساعات أكثر وبنتي هذي حالتها من طلعت من الأربعين قمت أوكلها من عمرها 3 شهور أبيها تعوض وكل رضعة أحطلها بسكويت فارليز ألحين تسنن وتكره الرضاعة بزيادة مادري شسويلها وبعدين في مرة شفاتها تقول إن لوزها نازلة ورفعتهم حقها بس نفس الشي وأكثر شي تاخذ المصاصة لأنها وااااااااااايد تبجي فاطريت أستعمل اللهاية قولولي شنو الحل وشنو أعطيها لأن الأكل مايغنيها عن الحليب وحتى جم مرة أوديها الدكتور يقول بنتج صحتها زينة مافيها شي تبين تتأكدين سويلها تحليل (آنا أول مرة بحياتي أشوف بيبي يكره المما أو الرضاعة ) طلبتكم لا تردوني بسرعة وزنها 7 كيلو .
مع تحيااااااااااتي………….