أسرار المغربيات في الحفاظ على جمالهن

راح اقلكم اسرار المغربيات نجي لنعوة البشرة ونضارتها الحمام المغربي مرة مهم بس الي ماتعرفوه ايش الخلطات الصح الي بيسووها في الحمام لبشرة نقية وصافيه اولا ادا جاو لصنفرة قبل الصنفرة يعني اول ماتفوتين الحمام بخار طبعا ساخن تخليطي الصابون المغربي والحناء الطبيعية مؤ حقة الكرتون طبيعية ولوتينها وتطحنيها بنفسك يكون احسن وتحطيها على جسمك كامل، وفي ناس بيضيفو فوق الخلطة ليمون او شي يسمونه دباغ بس مؤ بضروره الي تفضلو المهم تحطو وتقعد حوالي 10دقايق في حمام ساخن وبعدين تشيله وبعدين تصنفر وطلع الخلايا الميته صدقوني يطلع بطريقة مؤ طبيعية يخلي بشرتك كأنك بيبي ولنعومة البشرة استعملي oilatum موجود في الصيدلية وصدقني نعومة راح تبهرك نفس الاطفال مرة جسم ناعم طريقة استعمال لما تخلصي تحطيه اخر شي وتتركيه فجسمك 5 ل 10دقائق وتنشفين على طول من غير تشطيف. . وتوريد البشرة وإعطائها لون طفولي ومتير او اي منطقة نفسك تخلي لونها وردي ومتير فما عليك الا بدم الغزال اخر شي لما تخلصين مع تشطيف ولا تتركه مدة طويلة اول ما تحطيه تواني ويغسل. . . . اما القدمين فهم يقشرون تحت القدم زين بالة تفسير حديد أحسن شي واضمن بس خفيف مؤ بقوة وبعدين ينشدون رجولهم ويحطو فازلين ويلبسو شراب وينامو فيه مدة اسبوع بترول تشققات اما الشعر فالكل يعرف زين انو كتافتو اهم من طوله ويسلام يوم تجئ كتافة وطول وطبعا شي هاد ما كدب عليكم وقولكم خلطات وماري ايش مافي الا امبولات الفيتامينات وبخاخات تقوية الشعر المتواجدة بالصيدليات هادي اضمن واسرع طريقة. . . اماالشفايففبيحطو دم الغزال بالحمام ليفيد مرة فتوريد شفايف اما لنفخها قومي وسوي اليوم باليل خلطة من معجون الاسنان وفازلين وحطيها فاليل ونامي صدقين فالصباح راح تنصدمين من شفايفك المنفخة بشكل واضح جدا. او ممكن تستعملي جهاز نفخ شفايف بعد هو حلو وبعد شي تاني في قلوص من ماركة Lancôme صراحة مؤ طبيعي اسمو juicy tubes شي خيالي بتحسي فشفايفك وخز طفيف وفريش وأول ما تحطيه بعد 5 دقائق شفايفك تنتفخ. . . اما صفاء البشر فمانصحك الا بصابون الببايا كتقشير وصنفرة بس لتنسين الترطيب لأنو صابون هاد بينجفف البشرة شتسوين بعدين في كريم وصفلي ياه طبيب تجميل لما كنت بفرنسا اسمو effaclar duo من ماركة la Roche -posay طبعا فيها انواع كتير بس انتي دوري حق تنقية البشرة وتصفيتها وغلق المسام وضد التجاعيد، في حق اليل وحق النهار وحق غسل الوجه وواقي شمس كلهم وصفة اختصاصي مشهور بفرنسا مع بعض نتيجة مؤ طبيعية طبعا ماراح تلاقوه الا فصيدلية وايتس طبعا فالبداية راح تحسين انو بيحرق وشك اطمني شي طبيعي كلها اسبوع اول ما بشرتك تتعود عليه ماعاد تحسين فيه نهائيا صدقوني راح تدعولي خصوصا الي بتعاني من اتار حبوب ومسام واسعة وحب شباب راح يصفي بشرتك ويبيضها ونتيجة بتضهر بعد تلات اسابيع او شهر ولا تنسين اشهر وأحسن. . ماسك للوجه وفعلا نتيجة مؤ طبيعية هو اللوز المر اخليطه مع حليب مجفف نيدو وماء ورد او ماء الخيار. ا اما بياض الاسنان فمافي الا لصقات كرست التبييض المنزلي وبتلاقوها فصيدلية وايتس . اما بياض الكوعين والركب والمنطقة الحساسة وتحت الابطين فيستعمل top Sheryl تخلط مع عسل طبيعي وتنحط كل ليلة مدة اسبوعين وودعي اسوداد هاده المناطق. . اما التجاعيد فبيحاربوه بالمغرب بزيت أركان كل ماتجي تنام تحطو وفعلا بيحارب التجاعيد بطريقة خطيرة وفعالة جداً ويعطيها نضارة وجيد جداً لشعر كدالك يعطيه كتافه وطول ولمعان اما تناسق اجسامهم فهدا من كترة الحركة وشغل البيت وشغل برة ويتمشون ويسوو رياضة لا اكتر ولا اقل بس رياضة قبل تجي تسوي مساج لمنطقة البطن لادابة الدهون وبعدها تسوي حركات البطن. . . اما تكتيف الحواجب فبيحطو توم فهي الشي الوحيد الي بيخلي الشعيرات تنمو بسرعة وكتافة . . . اما تصفية العيون في قطرة في الصيدلية تصفي العيون تستعمليها قبل المكياج لديك وسع عيون اكتر واجمل . اما بالنسبة للارداف فاكترهم يسوون تحاميل الصحراوية بس ما انصحكم لا تسووها لانها مؤدية للأمعاء ومرة توجع وحرقان ورأ اول ما تحطيها وفوق هاد في ناس تجيب نتيجة معاهم وفي ناس ما تجيب نتيجة معاهم نهائيا يعني انتي وحظك عاد شوفي كتابات البنات يقدرو يفيدك في شي هاد اكتر مني لأنو شخصيا احس مالهم حل الا عمليات تجميل مهما تسوي من خلطات او زيوت او كريمات كولاجين ما بتجيب نتيجة بس نفسي اجرب حبوب الاندنوسية وقتها أعلمكم . . اما الي تبي تتخن مالها الا حبوب الخميرة وفي حبوب بيستعملوها فالمغرب تتخيلي بتفتح شهية بطريقة فضيعة وتخليك ماتشبعين مهما كلتي بس بتخن بسرعة خيالية يمكن فاسبوع بس تتخن وتمتلئ واسمها حبوب دردك اما لبياض الجسم كله فمافي الا وحبوب الكليتاتيون بعد بتجيب نتيجة فتبيض ادا استمريتي عليها تلات اشهر او اكتر وبتلاقيها في صيدليات او في gnc. . وأخيرا واهم شي من اكل الفواكه والخضرة بكترة لأنو المغربيات اكلهم كلو خضار وفواكه فينعكس على البشرة والجسم والشعر وشرب الماء بكترة اهم شي وتنامين 8ساعات ت اقل شي راح تلاحضين فرق كبير وصدقني ماحد يعرفك بعد التغيير الجديد عاد لا وصيك على تجديد نيولك حقك عشان الي شافك ينصدم. . . وأخيرا الي عندها اي استفسار او تساؤل تتفضل او اي سؤال شاغل بالها بخصوص الاشياء المغربيه الله يقدرني في افادتها انا سعودية من ام مغربية واتمنى أني اكون عند حسن ضنكم انتظر اسئلتكم وردودكم

المشاركة الأصلية كتبت بواسطة كبريائي في صمتي

السلام عليكم المرة الجايه يا نوال لما تبي تكتبي شيء على المغربيات لا تعممي وتقولي كلهم بيسووا هيك للشعر او لتكبير الارداف او المؤخره او شيء من ها القبيل حطي الوصفات حقك وبدون تعميم بس اقلك الحقيقه انت كترتي على بنات الناس بها الوصفه الخارقه وشكرا

ايه وللامانه top cherly وحبوب دردك الي بيشربوها الشباب لتقويه العضلات ممنوعه وبيسووا سرطان وشكرا