بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
شلوووووووووووووووووووووونكم بنات وشخباركم انشاءالله بخير…
بصراحه هذا موضوع دائما في بالي وهو (المطلق)….. امي دائما اتقولي تزوجي أرمل ولا مطلق….شرايكم بنات…يعني اذا وحده توها بنت وياها مطلق الاهل مايرضون او البنت ماترضي…
انا عمري 25 واكثر اللي انعرضو علي كانوا مطلقين وعندهم عيال..والشيء الوحيد اللي كان يدور في راسي هو انا الحمدالله مو جيكره ولا عمري صك 40 …
السؤال اللي ابيكم تجاوبون عليه بصراحه هو
تتزوجين واحد مطلق وانتي لي الحين بنت؟
واذا انتي متزوجه مطلق بلــــــــــيز قولي تجربتج؟
وانشاءالله الموضوع مو ثقيل عليكم وانتظر ردودكم ومشاركاتكم بفارغ الصبر
شلوووووووووووووووووووووونكم بنات وشخباركم انشاءالله بخير…
بصراحه هذا موضوع دائما في بالي وهو (المطلق)….. امي دائما اتقولي تزوجي أرمل ولا مطلق….شرايكم بنات…يعني اذا وحده توها بنت وياها مطلق الاهل مايرضون او البنت ماترضي…
انا عمري 25 واكثر اللي انعرضو علي كانوا مطلقين وعندهم عيال..والشيء الوحيد اللي كان يدور في راسي هو انا الحمدالله مو جيكره ولا عمري صك 40 …
السؤال اللي ابيكم تجاوبون عليه بصراحه هو
تتزوجين واحد مطلق وانتي لي الحين بنت؟
واذا انتي متزوجه مطلق بلــــــــــيز قولي تجربتج؟
وانشاءالله الموضوع مو ثقيل عليكم وانتظر ردودكم ومشاركاتكم بفارغ الصبر
الاحسن انج تسألين عدل قبل اي قرار اما الارمل اتوقع انه للحين فيه محبه وايام حلوة مع مرته اللي ماتت فالاحسن المطلق على الاقل اهو اللي طلق مو القدر اللي فرقهم
بس مثل قالت اختي همسات الليالي الارمل للحين يحن لايام زمان وقلبه مكسور بس المطلق عايف ولايعة جبده .. نصيحتي لج اذا جاج واحد اخلاقه زينه خايف ربه توكلي على الله والله هالزمن صار يخوف فالواحد يحمي نفسه ويتحصن بالزواج ابرك لله النفس اماره بالسوء لا تقولين انا وانا ..
صراحة بالنسبة لي..الاثنين صاروا نفس الشي..العازب والمطلق..انتي تبين اخلاق وعشرة حلوة….ونصيب عدل…ماتدري اهو مع العازب ولا المطلق..سالي عدل وادعي ربج..انا ادري انه اهوا قرار مو سهل وتحسين انج تتنازلين وايد…بس هاذي الدنيا…سالي عنه عدل عدل عدل والله يسر امورج…واموري…
وانت ترى ما كبرتي وايد احس يمكن عندج فرصة بنصيب زين…فلا تستعيلين بقرارج
ياكثر اللي من أهلنا ومعارفنا يطلق ويتزوج وبعد ما يتزوج وحده ثانيه تحلى بعينه الأوليه ويردها لها
وصارت مع ولد عمي طلق مرته وعنده بنت وقعد كم سنه وتزوج وصار عنده بنتين فجأه وبدون مقدمات رد للأوليه بعد يمكن 6 سنين من طلاقه حلت بعينه وردها
وبنت خالي خذت واحد مطلق جم شهر وطلقها ليش
طلع يبي يرد طليقته بس زفته وتزوج يبي يحرها عاد غيرت رايها ووافقت تردله وطلق بنت خالي
طلع شنو متزوج بنت خالي عشان توافق ترد له طليقته
يلعبون في بنات الناس حسبي الله عليهم
عشان جذيه انا لو شنو ما آخذ واحد مطلق لو اتم بدون زواج
صج مالهم أمان
يعني اذا كان اول مره يتزوج او سبق له الزواج وبعدين فركش طبعه هو هو ماراح يتغير
وفي شباب مطلقين لما تزوجوا صاروا ناجحين بزواجهم الثاني
بس المهم تتسألين عن اسباب طلاقه يعني اذا كان شكاك او بخيل او نحيس هذا غسلي ايدك منه ام اذا كانت زوجته السابقه نسره وموقادر عليها هذا اخذي وانتي مغمضه
وعلى العموم انا اؤمن باحساس المراه انتي بنفسك اللي تحكمين من خلال لقاءك معاه اذا حسيتي انه صادق بكلامه راح يوصل الكلام للقلب بدون مقدمات ام اذا حسيتي انه مو مرتاحه من الوضع فآمني باحساسك
اخيرا اذا الله قسم وتزوجتي مو تنسينا من صالح الدعاء
الله يوفقك
نطري نصيب احسن من جذيه
انا معاك على طول الخط … الله يوفق جميع البنات ويرزقهم النصيب السنع
الله يستر عليك ويوفقك في قرارك
انا اقولج تجربتي
انا اول ما تقدملي زوجي وقالولي مطلق زعلت وقلبت الدنيا ليش انا طايحه بجبدكم وهذا كان عمري 20 وامي سكتت على السالفه وعقب سنة يو وتقدمو رسمي وقالتلي امي وكان عمري 21
فاستخرت وسالنا ليش كان مطلق واهلي اسالو عنه اذا كان زين والا عليه مشاكل والحمدلله الكل يمدح فيه الصراحه
وتزوجنا والحمدلله الله وفقني وياه والصراحه لو ادري اهوه جذي جان قبلت فيه من اول مره
والله لا يغير علينا انشالله
فانصحج اذا اخلاقه زينة والكل يمدحه توكلي على الله
ومع العلم ريلي ماكان عنده عيال من زواجه الاولي
الله يوفقج انشالله
السالفه سالفة نصيب لا أكثر ولا أقل ..والاستخاره الاستخاره اهم شي حق الزواج والله يوفقج
الاحسن انج تسألين عدل قبل اي قرار اما الارمل اتوقع انه للحين فيه محبه وايام حلوة مع مرته اللي ماتت فالاحسن المطلق على الاقل اهو اللي طلق مو القدر اللي فرقهم
صح كلامج مو كل مطلق فيه عيب …بس شنو راح يضمن لج ان الغلط مو منه…يعني حتي لو تسالين مو الكل راح يعرف السبب..لان هذي شغلات حيل سريه …اذا بتسالين احد بقولون لج والله ماصار نصيب او واحد يقل الغلط على الثاني…وعلى الارمل صح كلامج 100%…بس لما يبي يتزوج معناة ان يبي يكمل حياته…شكرا على مشاركتج اختي