إشرايكم يا أبلات أمسك الإذاعة ويا زميلتي ولا ماتنصحوني ؟؟؟ ضرووري شوروا علي

أنا مدرسة إبتدائي

تسلمين ياعمري على مشاركتج وردج السريع

يعطيج العافية

بس ماتدرين يعني اذا مسكت الإذاعه لازم أسوي اكثر من برنامج ولا شنو بالضبط

ولا شلون طبيعة عملها

يعني اللي تستلم الإذاعه يكدشوونها ولا لأ

مشكورة ياعمري

مشاركتج أفادتني كثير

وتدرين أنا فكرت فيها شلون اول شي لأنها زميلتي حبوبه صج كبيرة بالعمر بس أفادتني يعني الكورس اللي فات لمن كنت أدرس صف ثالث و صفي يم قسمها كل شوي تاخذني تقهوي عندنا ومن هالسوالف يعني حبوبه

وهمن لاني أدرس عربي وصف ثانيه يعني ياخذون كل جهدي
ف ماأبي يعطوني احتياطات ومناوبات واشراف لان بيصير تعب علي حيل

فالإذاعه شغلها بس الصبح قبل الطابور

مادري هل لهم شغل ثاني ولا لأ

عشان اذا جذي أتوكل على الله و أقوولها باجر بشترك معاج بالإذاعة

جزاج الله خير ياعمري

ألف شكر لج

وكثر الله من أمثااالج

وعسى التوفيق فاالج يارب

صح متعبه لكن مع التعود تحبينها

مو اخترت الإذاعة عشان النحشة من المناوبات والإشراف

وااي الكورس اللي فات كانوا يخلوني بالفرص مناوبه بالساحة المدرسية اللي وراا

مافيها ولا قطوو
حرقتني الشمس

العناية اللي سويتها لنفسي بالعطلة راحت عالفاضي كله بسبتهم

وعن الإحتياط يهووون قاعدة بصف باارد حلوو ولا المناوبه والاشرااف أعوذ بالله

اليوم عطوني احتياطين

وعن القعدة الصبح .. الحمد الله مدرستي قريبه بنفس المنطقة يعني ان شاء الله ماأتاخر

===================

اطلالة قمر

مشكورة على مشاركتج ياعمري
وردج ريحني كثير وطمنّي
وان شاء الله يكون اشتراكي بالإذاعه خيرة لي ياارب

ادعووولي تكفووون
========================
بسمة
كلامج صحيح
والله يوفقنا ويوفقكم جميعا ياارب

==========================