إلــى الاخت قلــــــــوب

[اهديك هذه القصيده بمناسبة كثرة تعليقاتك المشرفه على قصايدي وأتمنى ان تحوز على إرضائك وشكراً]

ياللي هـويـتـني وانـا فيك مجنـون–ردي عـلـى اللـي مـايـبـيـك ويـبـينا

لازم جـمـيـع الـخـلق منـٌا يعرفون–إن الـولـي بـالـحـب انـعـم عـلـيـنـا

وإني بوسط عيونك انافـس النـون–وانـٌا بـشـهـد الـحـب عـنهـم سلينا

ولا هـمـنا حـسـادنـا لـو يـهـرجون–قـــولـي لهـم حنـٌا بـحـبـٌه رضـيـنـا

قولي لهم إني له أزهار وغصون–هـو عرقها وأن جـفٌ حنـٌا انتهينا

وإنـي لك أغلى شـخـص مـوجـود–وإنـا على عـهود الـمـحبه مضيـنا

وأنا بـقـول اللـي هـوينـاه مـزيـون–وغـيـرك من الـزينات لا ماهـوينا

واقول مختارك عن أمـلاك قارون–اخـتـرت قـربـك مـالـغيـرك هنـينـا

واقول ربي خصك برمش وعيـون–وخـدود حــمــرٍ مـثـلهـا مـا رأيـنـا

وفيك الحـلا أشكال والوان وفنون–ولجلك جميع البيض غيرك جفينا

وفوقك جـدايـل تخجل الليل باللـون–تـكـسـيـك لـومـنـهـا تـبـي تلبسينـا

وثغرك به انصع درٌٌبالكون مكنون–مـاقــد لــقـاه اللـي يمـحــٌرسنـيـنـا

ورزقي ورزقك في يد الله مرهون–وحيل الله اقوى حيل من حاسدينا

ياللي على فرقى المحبـين تسعون–حـنـٌا بـقلب الـزين بـدري سـريـنا

يـاللي حسـدتـونا ويـاللـي تـغـيرون–حنـٌا تـرى بـوجـودكـم مـادريـنـــا

أدري بــفـرقـى الـزين ليـٌه تـودون–لا تـشغـلـون قـلـوبـكـم مـاشـقينا

إن كـانـكم للـحـب والرزق تعطون–حـنـٌا لـعـطـايـاكـم حـشـا مـابـغـينا

وكان انكم معنا على الشر تنوون–نـبـي نـوريـكـم ســوايــا يــديــنــا

وذي عــادة الحسـاد دايـم يخيـبون–أضـحك واقـول"الله لا يـبـتـلـيـنـا"

مع تحيات/ أخوك/ علمني الحب