ابرة التوأم

و ثاني شغله تسويلج تكيسات و التكيسات اتضعفلج المبايض هنوب تبجين عشان تحملين طبيعي
و الابر يمكن تخليج تحملين من واحد لي ٦ يعني مجازفه و يمكن ماتحملين بالمره
و اذا حملتي اب توأم حمالهم صعب و لازم ربط الربط يسوي التهابات و اذيه و غير هذا ولاده مبكره و عادي ينحطون بالحضانه

ليش كل هالعذاب انشاء الله يارب تحملين اب توأم بدون عوار راس

اقتباس:

المشاركة الأصلية كتبت بواسطة oum^zozo الابر مايعطونج اياها الا اذا تبويضج حيل ضعيف و انتي حمد الله عند عبال ماعتقد تحتاجين و ثاني شغله تسويلج تكيسات و التكيسات اتضعفلج المبايض هنوب تبجين عشان تحملين طبيعي و الابر يمكن تخليج تحملين من واحد لي ٦ يعني مجازفه و يمكن ماتحملين بالمره و اذا حملتي اب توأم حمالهم صعب و لازم ربط الربط يسوي التهابات و اذيه و غير هذا ولاده مبكره و عادي ينحطون بالحضانه ليش كل هالعذاب انشاء الله يارب تحملين اب توأم بدون عوار راس

انا بس ابي ازيد عليها انا الحمدالله توني والده و يايبه توأم الله يخليهم ….طبعا عقب 7 سنين من تاخر الانجاب اللي اطرتني اني اسوي اطفال انابيب …

و الله كتب لي هالاثنين …بس لو مهما اقولج ما راح اوفي الحما اشلون صعب و اشلون الربط و التهابات الربط و اشلون ان الولاده المبكره كانت اكثر شيء خايفين منها الدكاتره

هذا غير صحه التوائم و الحضانات و الولاده نفسها و غير الحين معاناه التربيه

اذا الله كاتب لج ان شاء الله ايونج و اذا انتي الحمدالله ما فيج شيء لا تلعبين بروحج بالابر

اقتباس:

المشاركة الأصلية كتبت بواسطة om mooody ام زوزو ماشالله عليج خوش معلومات والله كلش ما كنت سامعه فيها من قبل اول مره ادري انها حق اللي تبويضها اضعيف , واطلعت وايد لها مضار الله يهداها مو خووش ابره مشكوووره عزيزتي والله يسهل عليج انشالله وتولدين بالسلامه

انا خذيتهه لأن سنيين ماحملت و سوتلي تكيسات و ضعفتلي التبويض و متنت وايد و سوتلي تضخم بالمبياض طحت بالمستشفى الصراحه ماتمنى هالشي يصير حق احد لأن تعب الله يعطيج اللي تتمنينه بدون عوار راس و تعب

اقتباس:

المشاركة الأصلية كتبت بواسطة om mooody حمدالله على سلامتج وسلامة عيالج emanova الله يطرح فيهم البركه ويجعلهم من الذريه الصالحه انشالله ويشافيج لج حمودي يا رب , مشكوره اختي dayoooma انا حدي اقتنعت ابكلامكم والف الحمدالله

مشكوره على الدعوه الحلوه و الله يكتب لج الذريه الصالحه الساجده العابده يا رب

اهم شيء الصحه و العافيه و عسى ربي يرزق كل محروم