ابلات الاسلامية للمرحلة المتوسطة تفضلو {{ابي تمهيد حق الدرس 16 شلون ابدي فيه}}

صاجة اختي بداية الدرس سرد مثل ما قلتي بس يحلو الدرس بعدين
فممكن تاخذن الاية الموجودة في الكتاب ص86 ( إنا أرسلناك ….) وبعدين تقولين لهم من خلال هالآية يستخرجون الغاية من ارسال الرسل …. وممكن يعددون الغايات اللي موجودة بتمهيد الكتاب ص101
بعدين عندج اساليب الرسل
ممكن تقربين لهم الصورة لحياتها الواقعية ان شلون اذا كانت بتنصح وحدة من زميلاتها هل مثلا تنصحها بشي واهي بنفس الوقت ما اتسويه وما تطبقه ؟ او تنصحها من خلال احراجها امام زميلاتها وووو..
بعدين تكلمي عن اساليب الرسل وحاولي تييبين مثالين او ثلاث من سيرة الرسول كدليل على اسلوبه
مثلا كان القدوة الحسنة ..(عرف عنه الصدق والامانة قبل الاسلام ولهذا صدقوه ..)
ومثلا اسلوب طرح الاسئلة : مثل حديث : أتدرون ما الغيبة .. اتدرون من المفلس .) اسلوب لجذب الانتباه
((( لا تطولين في شرح هالنقاط لأن الدرس طويل ))
الحين افضل شي بقية الدرس يكون بور بوينت راح يساعدج ويختصر طول الدرس)
عندج الحديث الحفظ ( قام رسول الله )
وبعده حالة العرب الدينية (حاولي تحصلين صور للاصنام وعبدة النار واليهود والنصارى )مع مناطقهم
طباعهم السيئة (تقدرين تحطين صورة بيبي بنوتة حلوة وتشوق وقوليلهم شلون كانت قلوبهم من حجر اللي تخليهم يدفنون هالاطفال البنوتات واهم احياء خشية العار …الخ)

وقتل الاطفال عامة خشية املاق .. الفقر والجوع يعني
كل شي دعميه بصور من النت
مثل الخمر والقمار ووو
الهجرة الى الحبشة
جااااااااااااااااان زييييييييييين تحصلين مقطع رااااااااااائع من فيلم الرسالة
يحتوي هالقصة يوم راحو الى النجاشي والحوار اللي دار… دوري المقاطع بيوتوب ممكن اتحصلينهم
اذا ما حصلتيه ممكن تستخرجين صور من النت للحبشة وتحطين قساوسة بلبس المسيحين مع الصليب مثلا

الباقي شرح شرح شرح
والله يعينج

واذا تبين شي حياج بتجمع ابلات الاسلامية