بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
صباج الخير انا معلمة حاسوب تعيين يديد في ابتدائي بنين وكنت حابة اسال معلمات الحاسوب بالنسبة لمنهج الصف الأول في دروس نظرية مثل درس نظام تشغيل النوافذ شلون نقدر نشرحه باسلوب حلو؟ شلون شرحتوه احب اكون جاذبة انتباه الطلبه خاصه الصبيان ماشالله عليهم مايقعدون
مشكورين حبايبي
مشكورين حبايبي
وعموما الابتدائي مايصلح لهم الا البوربوينت اريح لج لانج بتقعدين تصارخين ولا حد فاهم او تقعدين تفرين على كل طالب تفهمينه
والله يعينج عالصبيان احنا بنات ويالله يقعدون
جذي ينتبهون مع الشخصيه ويندمجون معاها …
واذا حابه انفذلج اياه ..راسليني على الخاص
ومبروك التعيين اليديد
توارد افكار لول
توي يايه من الدوام واليوم شرحته لصف 1-3 تدرون شسويت ؟ خذيت بطاقات لصور كمبيوتر الي تنباع بالمكتبه وصور ثانية لكمبيوتر فيه نظام التشغيل من الكتاب سكنر كبرتها طبها ورخمتها وعلقتها بخيط وسويت بطاقات لكرة وقلم وبرنامج الرسام والطابعه وهم خرمتهم وعلقتهم بخيط وبعد ماشرحت الدرس لبست طالب صورة الكمبيوتر يعني اهوو يعبر عن مجموعه الكمبيوتر بدون نظام التشغيل وطالب ثاني لبس الصورة الي من الكتاب وتعبر عن الكمبيوتر مع نظام التشغيل وجم طالب كل واحد لبسته شي فارة-طابعه-كرة وطلبت من باجي الطلبة يرتبون كل فريق يعني فريق الكمبيوتر الي بدون نظام تشغيل يروحون معاه الكرة والقلم لانه وجذي صار تفاعل حلو استانسو اليهال مايحبون يقعدون وانتي تتكلمين لاحظت فيهم هالشغله.
ومشكورين على افكاركم راح اطبقها مع الطلبة في صفوف اولى الباقيه
اذا ما عندج داتا شو تقدرين تاخذين تلفزيون كبير من التقنيات
وتشبكينه مع الابتوب وتشرحين عملي عليه وسلامتج