ابى افكاركم السنعه حق اطباق شعبيه لاحتفال فيه دولة الكويت

مرحبـــــااااا

انا اترح عليج تحطين جميع الاكلات الشعبه على طاولتج من حلويات (( قرص عقيلي – زلابيا- غريبه -كيك القديم-رهش -درابيل ))

واكلات دسمه (( هريس- جريش- مرقوق نخي – باجيلا- عصيده – خبز ايراني -معابيج ا اجار))

هذي كتعريف باكلاتنا
واللي فهمته انج تبين تسوين طبق جدامهم مثل ما قالت اختي قيمات او صب القفشه او مشبك كلهم طريقتهم سهله

وحلوه فكرتج ان تخلين طفلين جدامهم خليهم يقدوم الاكل الكويتي تكونين انتي حاطه مجموعه حلويات ومغلفتهم وكل ضيف يمر بعطونه

وتكونين حاطه الاكل بصحون الفخار اللي بالاسوقه الايرانيه اذا خذيتي مجموعه يخصملج

واذا عجبتج الافكار قوليلي اساعدج

<<<<<<< تحب الاشياء الكويتيه القديمه

لاتنسيم القهوه والجاي بستكانه ام نقيطاااات

لا تنسين التخي والباجيلا ولا تنسين بعد بيت الشعر والجوي البيئي للباديه راح يكون اهم من الاكل وشيئ مكمل لصورة الاحتفالات الشعبيه

حبيبتي انا قبل اسبوع في مدرسه اعيالي كان اليوم العالمي وكل واحد اسوي اطباق انا سويت محلبيه في القلاصات الصغار كلش ملوت القهوه و سويت تمريه كورتها و حطيت عليها سمسم و بعد بسبوسه بالكب كيك يعني كل شي صغير والله كان وايد حلو والبنات اللي معاي وحده سوت لقيمات و سوت معمول تمر و بعد بقلاوه و غير الاطباق الحاره الهريس و المربين وسامحيني على كثره الحجي اتمنى اني ساعدتج

—-
وااااى بس لا تعورين قلبى , ترى انا منقهرة من قلب لان ماشاء الله عليهم السفارة السعوديه اتوفر كلشى حق شعبها خاصه بهالمناسبات اتدزالتمر والاعلام والملصقات بصراحه توووقف عدل معاهم , بس احنا كلها اجتهادات شخصيه والسفارة مايردووون كله على جهازا لردالالى محد يرد عليج الا فى حالة الموت اسم الله علينا وعليج , عااااد فيها منافسه منو يطلع الاعرق والشعبى اكثر , بصراحه الامريكان يبين بعينهم يحبون ويقدرون السوالف هذى. تسملين على الرد المهيل

——-
والله يبتيها ولاهانوا البنات بس اللى اقدر اشتريه جاهز الرهش ولو انه نقليد موكويتى بس يالله
لان شكلى بحط اليهال وقبالهم نموذج لسفرة كويتيه الريوق الكويتى
تسلمين عمرى

—-
تسلمين جارتنا على الروابط لاخلا ولاعدم وربى يسهلج يارب
الف شكر وترانى حترت والله