ابي الاماكن والمجمعات والمطاعم في دبي ممكن تساعدوني؟؟

دبي مول أحدث مجمع في دبي، وداخله الأكواريوم ، وفوق الأكواريوم منطقة كلها حيوانات بحرية تهبل !
فستيفال سيتي المشاوير فيه تهبل ! وخصوصا بالليل على المارينا..
فيه مطعم يهبل داخل الفستيفال سيتي اسمه: سكوزي.. روعة يقدم أكل ياباني وايطالي..
منطقة برج العرب ونخلة الجميرة وفندق أتلانتس اليديد روعة بعد وداخله أكواريوم يهبل..
الامارات مول حلو بعد،،
في منطقة فيها فندق ميناء السلام على شاطيء الجميرا في دبي ..وهذا شرح عنه.
"يطل عليه فندق برج العرب وتطل غرفه على مياه الخليج الدافئة .. يطلق عليه فينيسيا دبي .. لحرص مصمميه على التشبه بفينيسيا من حيث جريان الماء بين البنايات .. الدخول الى مجمع ميناء السلام .. مجانا .. وفيه عدد من المحلات في (السوق) الذي تعرض فيه تراثيات و لوحات فنية .. وعلى جانب مياهه مطاعم عديدة من مختلف بلدان العالم .. لا تكتمل زيارة دبي الا بزيارة (ميناء السلام ) "

وعلى فكرة اذا تبين تسمتعين بدبي، ضروري تأجرون سيارة، وعلى فكرة حتى انج ما تعرفين الشوارع بس اشارات الشوارع عندهم سهلة وما تضيعين فيها…وجذي توفرين تكاسي، وتستمعين أكثر داخل دبي..
ومنطقة المارينا يم مجمع ميركاتو كلها مطاعم وقعدات وكافيهات وترى دبي على عيد الأضحى يكون فيها الجو روعة وخصوصا بالليل..
واذا تبين أي سؤال ثاني أنا حاضرة..

يعطيج العافيه يا ام غاليه بس عندي سؤالين:
شنو افضل فندق يكون قريب يم الاماكن الحديثة والمجمعات اليديدة؟

وووين محلات العبي والملافع في دبي ابي كشخة مو استعمال يومي مثل بابو لا ابي مثل حناين وجذي
وثانكس

http://www.q8yat.net/showthread.php?t=435107

شوفي هالرابط انشالله يفيدج

وبالنسبه لسؤالج عن العبي تلقينهم بمجمع ابو الهيل بس بصراحه وايد غالي وعبي الكويت وايد احلى ارخص عبايه عندهم 600درهم يعنى 50 دك كويتى تقريبا والخامه عاديه
روحي الافنيوز فوق محل اسمه شادو بيت حناين كشخه وخامه صالونه كل عبايه احلى من الثانيه

اما دبي عندج شيلات بس