ابي النصيحة ممكن؟

انا رايي تنطرين لي عقب الولادة و الاربعين و بعدين تقعدين معاه قعده صفا و تكلمينه عن كل اللي بقلبج بهدووء و تعرفين منه شنو اسباب التغيير المفاجىء اللي بحياته

مو معقوله ريال مرتبط يسهر طول الليل ولاهي عنج طول النهار اكيد في شي مو طبيعي بالبيت او برة البيت

حاولي تعالجين الموضوع ترى انتي توج في بداية حياتج و عندج الفرصة قبل لا يتعود على التمرد على حياته الزوجية و تصير السيطرة عليه صعبة

و الله يهديه لج و يوفقج معاه ان شاء الله

بعد النفاس

الحين هرموناتج راح تأثر عليج و بتتعبين اكثر من انج ترتاحين من مصارحته

ربي يسهل عليج

و الأفضل بعد النفاس تاخذين استشارات قبل ما تكلمينه

عندج استاذة نبيلة النغيمشي انا وايد اثق فيها انسانة فاهمة و حكيمة و عندها منطق ماشاءالله عندها ماجستير استشارات اجتماعية واااايد يعجبني رايها
اراءها شبيهه بآراء د.حمود القشعان بس اهيه بتفهم اكثر لأنها امرأة فتفهم وجهة نظرج اسرع

و ممكن تستشيرين د.حمود القشعان أو ا.وليد الرجيب مع اني لما استشرته عطاني استشارة حدها ما نفعتني بالعكس يابت نتايج عكسية لكنه نفع خالتي

و ممكن مكتب الانماء الاجتماعي عندهم مستشارين
بس انا شخصياً ارشح و بقوة ا.نبيلة النغيمشي آراءها حديثة و متفهمة و ماعندها الحلول القديمة الصعبة حلولها وايد عملية

حاولي تفهمينه طبعا باي وقت انه هذا حقج وشرعي يعني مو بس الريال اهو اللي يحدد متى يبي حتى الحرمه تحتاج هالشي
واذا الريال والحرمه معطين كل واحد حقه ما يتجه الشخص للزنا سواء الحرمه او الرجل

اصلا ياخذ اجر اذا لبى رغبه زوجته وحتى العكس مع الزوجه لو كل واحد خاف ربه بالتعامل جان الدنيا بخير
الله يهديه بس

عسى الله يسهل عليج يالغاليه وان شاءالله تولدين بالسلامه حبيبتي ..

انا يمكن رايي يختلف عن باجي الخوات ..

اسمحليلي حبيبتي صحيح انج حامل ولا ويه ولاده باذن الله لكن انا افضل انج تكلمينه الحين وتحطين حد لموضوع الطلعه

وصدقيني وثقي بكلامي ترى اذا الحين هدد وعلى كيفه لي ويه الصبح شلون باجر لي ولدتي بالسلامه ..

ماراح يدري عنج وهذا انا قلت لج حبيبتي ..

كلميه من الحين وحطي حد لهالموضوع مايصير هذي مسؤوليه والاهم انه يجابل مرته وبنته وانتي بروحج مايصير لا سمح الله افرضي صار فيج شي ترى السالفه مو هينه تنطرين ليما تولدين ..

عموما عسى الله يسخرلج زوجج ولا يحرمه منج يارب ..

الله يفرج همج وغمج ويهديه لج ويسخر زوجج لج ولبيته وعياله
و انا رايي من راي خواتي انج اتكلمينه بعد النفاس و تتحاورين معاه بشكل جاد مو بعصبية لا بس بشكل حازم

و الله يهديج ويهديه ويسخره لجح قادر ربي الكريم انه يخلي من عسرج يسر

مشكورين كلكم حبايبي و الله يسمع منكم و يسهل على الكل

امس و اهو طالع طرشتله مسج و قلتله انه مقصر وايد و اليوم عد معاي شوي وقلتله بروح اشرب عصير

وداني الجمعية شربنا عصير و قعد من الغدا لي اذان العشا و طلع و شكله كالعادة بيرجع باجر الصبح

الله يهديه يارب

لاتنسوني بدعاؤكم

انتي الحين سكتي عنه

اولدي بالسلامة و تفرغي له عدل

مثل ما اهوا له حقوق عليج هم بعد عليه واجبات ناحيتج