بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
هلا بنات شلونكم
بنات عندي كذا قطوه ومو قادره اوفي مصاريفها خاصتا علي اللتر مالهم التراب مالهم والاكل غالي فاذا تعرفون احد يبيع ارخص الله يعلفيكم شكرا
هلا بنات شلونكم
بنات عندي كذا قطوه ومو قادره اوفي مصاريفها خاصتا علي اللتر مالهم التراب مالهم والاكل غالي فاذا تعرفون احد يبيع ارخص الله يعلفيكم شكرا
الله يعين خصوصا التراب مايقعد ومو رخيص
انا اشتري ترابهم من المحلات اللي عند سوق الحمام مادري عاد اذا في ارخص
انتي كم قطوه عندج ?
————–
لوجين تعرفين دكتور بيطري يجي البيت؟وشاطر؟
—
تعرفين مكان يحلق رخيص؟
وجم مره اطعمين قطاوتج؟ وووين اطعمينهم؟
وااااي فيديني لولو حدي ضايعه
بالنسبة حق البيطري اللي يجي للبيت جنه في موضوع مثبت حق طبيب كويتي يجي للبيت بس انا ما جربته شوفيه بالمواضيع المثبته
اما مكان يحلق و رخيص والله ما عندي فكره انا كنت احلق قطاوتي بالبيت بس انتي ليش بتحلقين قطوتج شعرها وايد معقد ؟
اذا معقد ممكن اعلمج طريقه تفككين كل خصل الشعر بدون حاجه للمقص أو الحلاقه
اما التطعيم اذا مو غلطانه اظن انهم ثلاث تطعيمات ياخذها القطو بعدين كل سنه ياخذ تطعيم واحد اتمنى البنات يصححون لي لأن قطاوتي كلهم كبار ^^
انا مرتاحه وايد على تراب سكوب اواي لان ريحته صابون تايد و فيه ماده الكربون تمنع الروايح و التراب يتكور بسرعه فيحبس الريحه
الفريسكس زين بس عيبه يفوح روايح خموره قويه فبطلت استخدمه فاحسن لج وقفيه و مشيهم عل رويال كانون ينباع بتروفاليو و بت زون و ايس هاردوير شوي غالي بس يسوا مافيه ريحه و يمتن القطاوه و يطلع شعورهم
و لازم تنظفين التراب يوميا و احسن طريقه لتعطير المكان بشكل سريع عندج الفواحه معطره الجو اللي يشتغل بالكهربا و تطلع بخار انا اصب فيها ماي و كومفورت يسوي ريحه تجنن و هل جهاز موجود بسنتر بوينت
انا استخدم نوع اسمه Tidy Cats اللون الازرق افضل من الاحمر ينباع بمركز سلطـان الـي عند صناعيـه السيـارات
في منه كيس وفي جلن بصراحه الجلن سعره غالي ويكفي تقريبا 3 ايام او 4 , وبالنسبـه للأكل ويسـكاس بس مو المعلبـات الاكياس 13 حبه بـ دينـارين ونص تقريبـا لان سعر الحبه 240 فلس وانا عندي اكثر من قطوه وصغار ويلعبون وايد ويحتاجون ياكلون وايد والدراي فود ويسكاس سعره 900 فلس وكل الاغراض هذه متوفره بمركز سلطان واسعارها مناسبه تكفي شهر علي حسب الكميـه الي بتاخذينهـا
بالتوفيـق ..
اما التراب اخذي بي جمله ارخص من سوق حمام