ابي حل حق مشكلتي الصغيرة

السلام عليكم ورحمة الله وبركاته

اشلونكم بنات ؟؟؟
طبعا هذي اول مشاركة بس انا من زمان كنت ادخل المنتدى واستفيد والحمدلله لقيت شغلات وايد واستفدت منها

ابيكم بس تعطوني رايكم وتشوفين لي حل حق مشكلتي الصغيرة

انا الله يسلمكم توني مالجه من 5 شهور والحمدلله ريلي ما يعيبه شي وانسان ناجح بحياته واهله ناس من ذهب

السالفة اهيه السكن
الله يسلمكم اهما بيتهم توهم امعدلين فيه صار له سنة مو اكثر واهما 5 اشخاص الام والابو وريلي واخوه اللي اصغر منه واختهم الصغيروووونه وابوه يوم عدل بالبيت سوا حق كل واحد فيهم غرفة ماستر
الحين احنا تزوجنا وحرام ريلي يطلع من البيت يعني مافيه احد وبيتهم من النوع الهادي اهوه قالي ابي اسوي شقة فوق وان هذا اتفاق مع ابوه الله يطول بعمره اللي يتزوج ويبي يسكن بالبيت يبني له شقة فوق على حسابه هذا كان اقتراحهم كلهم ولا تنسون العايله صغيرة

المهم ريلي كلم المقاول واتفق معاه وخططو بس ريلي محاسب وحسبها قالي لو ابي ابني راح يكلفني مو اقل من 20 الف دينار غير الاثاث قالي اشرايج نسكن بشقة برا ولا البنيان ودوخة الراس والعمال لان يوم عدلوا ابيتهم اهوه واخوه جابلوا العمال وذاقو مرارة البنبان لا تقولون بخيل اهوه عنده بس متردد وقالي ترى اخرتها بنطلع من بيتنا وايي اليوم اللي نسكن بروحنا وانا معاه الحمدلله متفاهمين وكله ياخذ رايي باشياء وايد

بس اللي كاسر خاطري اهله حرام عايلة صغيرة والشغله الثانية اخاف الناس يقولون ان انا ماخذته من اهله
انا عن نفسي قلت له لو تبيني اسكن بغرفتك عادي لان اهما غرفهم كبار قالي لا يا ابني شقة او نسكن برا طبعا ما فاتح امه وابوه بالموضوع للحين
وانا مادري شسوي بنات اخليه يبني واثقل عليه عشان اهله ولاتنسون قالي راح ايي اليوم اللي بنطلع ونسكن بروحنا .. والا اخذ برايه ونسكن باجار ؟؟؟؟؟؟

تكفوووووون ساعدوني