ابي خبراتكم في حفله صغنونه بسويها حق الوالد

خوش فكره وناطره معاج معليش باخذ من الافكار

على العموم عندي فكره حق البوفيه انج تسوينه مناسيب

وتحطين الاكسسوار بينهم

نكمل بعدين لما نشوف افكار البنات

اح والله العظيم عورتيني والله ان مرت هالكلمه بقلبي وانا اقرى .. الله يرحمهم يا ربي
صج اللي يروح قبلك يحرك

……………………….

طماشه اول شي الله يخليلج اميمتج وابيج ان شاء الله ويجعل رضاهم عليج دنيا وآخره.. واحييج على هالروح ودماثه الاخلاق اللي فيج ..
شوفي انا اشوف اذا كان كبير بالسن لا تسوين وايد خبه يحبون الاشياء الملفته البسيطه .. اول شي يمعي اخوانج وخواتج هذا اهم شي لان الام والابو يحبون يشوفون عيالهم ملتمين وعلى قلب .. وصي اخوانج وخواتج كل واحد يقول كلمه له يا امه بعد الغدا او قبل الغدا اذا كان غدا او عشا .. وانا افضل انه يكون غدا
رتبي البيت وعطريه واشتري هديه حق الوالد ويا حبذا لو تشوفين شي اهو يحبه
سولفو وياه خلوه يتكلم .. خل يقولكم عن امنياته .. عن اشياء وده انها تصير
والهديه خليها تروح له من اصغر واحد عضو بالعايله اصغر ياهل عندكم خل يعطيه اياه .. حطي صوره .. اممم والله ما ادري عورني قلبي وادري فيج لو اقولج شيلي الدنيا وعطيه اياه ما راح تكفيج .. بس حطي في بالج شي واحد ان الريال غير عن المره الريال (الابو) بسرعه يتأثر باقل شي ممكن يقدمونه له عياله ..
اممم حاولي الاشياء المعنويه اللي تحسسه انكم تحبونه تغلب على الاشياء الماديه
كثر ما تقدرين وصليله انج تحبينه وانه غالي حيل عليكم
الله يخليه لكم يا رب
الله يخليه لكم يا رب
الله يخليه لكم يا رب
ويخليكم له ان شاء الله

ادري ما فدتج بشي بس والله انا نفسي محتاره ما ادري شاقول

حبيبتى طماشة

انا اموت على هالسوالف يعنى المفاجات وتجميع العايلة

انا بين فترة وفترة مثلج ودى اونس ابوى بعد وفاة الوالدة الله يرحمها

ترى صدقبنى ابوج مايونسه الاكل والشموع والمواعين الكشخة

لا حبيبتى ابوج ترد روحه ليه شافكم متجمعين ومو الاكل اللى يجمعكم

لا الكلمة الطيبة والمحبة اللى بينكم

عموما انا عنى حوش شرح وجزء حديقة صغيرة

عندى قعدة من خيزران وعليها مطارح مريحة والله يسلمج الجو هالايام بدا يصير يعور القلب

وانا ليش قلت لج بالحوش او بالحديقة لانه تغير عن قمتة الدور

وحطيلج طاولتين كبار وحطى عليهم مفرش الوانه ترد الروح

وحطى اكلج سواء شريتيه او سويتيه

مع القهوة والشاى وكل شى يمكم

يعنى اللى ابى اقوله ان اللمة تكون لج ولاهلج

وريحوا من الخدم اشوية

صدقينى يا طماشة ان امتع الاوقات راح تكون هاللحظات

اسألينى عن هالسوالف

ترى انا موبس اهلى اسويلهم هالحركات

حتى صديقلتى بالدوام اجمعهم بهالطريقة

صدقينى اليوم يحنون على اليمعة والحمد لله الجو تعدل

يعنى عن قريب راح انتجمع ونستانس باذن الله

سوى طريقتى وقوليلى النتيجة

شوفي حبيبتي اول شي اختاري ثيم الحفلة اللي ببالج وقولي لنا واحنا نعطيج افكار …. يعني كويتي قديم… بحري… ورود …. فراشات…..

شوفي حبيبتي اول شي اختاري ثيم الحفلة اللي ببالج وقولي لنا واحنا نعطيج افكار …. يعني كويتي قديم… بحري… ورود …. فراشات…..

وحدة من صديقاتي سووا لابوها حفله (الله يرحمه )وكان بيتقاعد وهو يحب الكلمات المتقاطعة فراحت المكتبه واشترت مجموعة مجلات تسالي وقلم حلو ولفته هديه واخذه زوجها بره لما تجمعوا جوا البيت وهو ما يدري وطفوا اللمبات ولمادخل فاجأوه بصوتهم بالمرة انبسطت

حبوبة جم عمر الوالد الله يعطيه طولة العمر . لان كل عمر و له جو خاص فيه