ابي خبرتكم بالاستقبال

اذا استقبالج بعد طلعتج من المستشفى على طول راح يصير نفس استقبال المستشفى تقريبا
يعني تكونين مجهزة غرفة في بيت أهلج و مزهبة شغلج كأنه استقبال مستشفى،، كفر السرير، و سرير البيبي، وقميص نفاس وموالح و جاي و هالسوالف..
وإنتي تحددين جم يوم،، على حسب أهلج وايد وإلا شوي،، في ناس تسويه يومين و في ناس تسويه أسبوع،، يعني إنتي براحتج..
إذا بعد الأربعين لأ يصير غير،،
تكونين واقفة على حيلج تستقبلين الناس وتكونين لابسة دراعة كشخة وإلا نفنوف براحتج ومكياج و تسريحة جنه استقبال زواج بس على أخف ،، واللي رحتلهم ما طلعوا بيبياتهم حق الناس بس الأم تكون موجودة..بس إنتي براحتج بعد..
ويكون فيه بوفيه عشا وفيه ناس يحطون دي جي بعد..
هذا اللي أعرفه يا غالية وإنشالله البنات يفيدونج أكثر..

عسى الله يتمم عليج يا حبيبتي و يسهل ولادتج و يرزقج الضنا السليم المعافى إنشالله..