ابي طرقة البسبوسة بالقشطة و بليز لا تبخلون علي لان بسويها اليوم

انا بقولج طريقتي وانشالله تعجبج
اول شي البسبوسه
كوب سميد
كوب زيت
كوب روب
كوب جوز هند
كوب سكر
ملعقه كبيره بيكن باودر

3 بيضات+ قفشه صغيره زعفران + نص ملعقه صغيره فانيليا

تخلطينه مع بعض

اخذي صينيه بايركس ودهنيها طحينه( هرده) علشان لاتلزق البسبوسه بس لاتكثرين مجرد مسح

وحطي نص مقدار البسبوسه وبعدها القشطه وبالاخير حطي نص البسبوسه الثاني

طريقه القشطه

علبه حليب ربع لتر+ 2 ملعقه كبيره نشا وذوبي النشا بالحليب البارد

وبعدها حطيه على النار مع قفشتين شكر وقفشه كبيره سميد ناعم وطبخيهم مع التحريك واذا ثقلت حطي عليهم قفتشين كبار ماي ورد وعلبه قيمر نستله وسكري النار وقلبيهم وبردي القشطه

اذا بردت حطيها مع البسبوسه بالنص

وخبزي البسبوسه بالفرن الى ان تحمر من الاسفل والاعلى وبعدها سقيها بشويه شيره وبالعافيه

الفرن اول شي فتحيه قبل لاتحطين البسبوسه ب10 دقايق علشان يسخن وخليه على حراره وسط

واذا حطيتي البسبوسه اول شي خليها عشر دقايق لاتفتحين باب الفرن علشان لاتهبط وبعد ال10 دقايق فتحي الفرن وشبي النار من فوق بعد يعني خليه مشبوب من تحت وفوق علشان البسبوسه تحمر من تحت وفوق
وانتي راقبيها بعد يعني طلي عليها وشوفيها من تحت اذا حمرت سكري النار من تحت والصينيه البايركس شفافه تقدرين تشوفينها
اي سؤال حاظرين_03ba:

يعطيكم العافيه انا بعد كنت ادورها