ابي طريقه التبولة والفتوش

التبوله
(وهالطريقه ماخذتها من لبنانيه) بس حدها واو

المقادير:

4 شدات بقدونس
2 طماط كبير
1 بصل اخضر
2 م.ك برغل ناعم
1 م.ص نعناع جاف
4 م.ك زيت زيتون
عصير ليمونه
الملح حسب الرغبه

الطريقه:

قصي البقدونس والبصل الاخضر (صغار صغار) وحطيهم بصحن التقديم وحطي عليهم النعناع الجاف وخلطيهم

تالي قصصي الطماط مكعبات صغيرة واحتفظي بماي الطماط وهذا السر لان بنضيف له البرغل الناعم

نجهز الصوص اللي اهوا (زيت زيتون+عصير ليمون+ملح)

خلطي كل المكونات مع الصوص وزيني الصحن ب.. خس

اللي تجربها تعطيني رايها

بالنسبه للصوص ..
يعتمد عليج ذوقي وشوفي اذا اوكي حلو واذا حابه تزيدين زيت زيتون وليمون او ملح كله حسب الرغبه

الفتوش
حبيت فتوش مطعم ليلى لبنان اللي بالافنيو عاد شفت المكونات وقررت اجربها برمضان والحمدلله طلعت واو

المقادير:

خيار
خس
طماط
فلفل بارد
فجل
بصل اخضر
زعتر فريش
ريحان (ماكان عندي نعناع ولا بربير عاد حطيت ريحان)
بما ان ماعندي نعناع قلت احط نعناع جاف
خبز محمص بالفرن .. بس بالمطعم مقلي يمي يمي حق المتن ههههه

الصوص:

حطيت زيت زيتون + عصير ليمون + ملح + دبس الرمان وهذا السر

بس خلطي كل المكونات ورشي شويه سماق عالوجه وادعيلي