اتلا حياة العبد .

السلام عليكم ورحمة الله وبركاته

قصيدهـ انشالله تعجبكـم

العمر مثل الطيف يمضـي بالايـام
والناس تفنا ..ما انتهت من غرضها
تمضي ليال وتمضي اشهور واعوام
واللي فتل حبـل المنـاوي نقضهـا
تركـض بنـا الايـام قـدام قـدام
والموت… حق وكم روح ٍ .. نفضها
اتلا حياة العبد قطعه ..مـن الخـام
واعماله الله قدم عينه … عرضهـا
والرابح اللي قسمته… خير الاقسام
وروحه تحت لطف الولي لاقبضهـا
من فضل ربّه مهتدي.. بامر الاسلام
ونفسه عن ادروب المعاصي وعضها
حفظ جميع اركان دينه… والاحكـام
وفروضه اللي ..ربنـا قـد فرضهـا
والخاسر اللي. مايصلي… ولاصـام
وامور دينـه.. كلهـا مـا حفظهـا
ضيّع حياته .. بالتسوّف والاوهـام
واليا… دعيته للهدايـه .. رفضهـا
مشغول في طرد المشاكل والاجـرام
المشكله لـو جنّبتـه .. اعترضهـا

ياكل وشرب .. عيشته مثل الانعـام
نفسه مريضه وهو سبايب مرضهـا
كم باع في سوق المعاصي وكم سام
روحه بدل نيل المعالي .. خفضهـا
نصيحتي لـه يغنـم العمـر قـدام
يخسر خساره ما يرجع .. عوضهـا
خطوى الفتى لاجاك عـزام.. جـزام
وصدره على فعل المراجل نهضهـا
ترى المراجل…. ماتحقق بالاحـلام
المجتهد يمكـن .. يحقـق بعضهـا

اخوكـ الـ***ـذهـ&ـبي ــم