احسن الصوالين بالكويت من حيث التجربه :)

بسم الله الرحمن الرحيم.~

السلام عليكم

من زمأأأأن مو منزله موضوع حبيت اليوم اني افيدكم باللي اعرفه واللي جربته

بما اني عروس قاعده ادور احسن الصوالين الموجودين بالكويت بقولكم تجربتي اتمنى تفيدكم وتفيدوني بالاحسن

نبتدي بحنان دشتي بستكي
كريمهم الاساس XXX خفيف حيل وباهت ما ادري شلون صاير
بس كرسمت عين روووعه وتنسيق الالوان اختي كانت عروس وطلع شكلها مشاء الله روووعه وهم بنت اختي بس كان كريمها مو حلو فاتح حيل اما على اختي مشاء الله توب لانها طلبت طبيعي وزين ما راح منها ….

حنان دشتي حولي

بصراحه ما جربتهم بس رفيجاتي حيييل يمدحونهم يقولون احلا من بستكي لي روحه لهم ان شاء الله قريب

ليلى هارموني

رحت لهم قبل اسبوعين وشفت كتلوجهم على الاي باد اشوف مكياجها حيييل عادي وشفت جم وحده بالصالون بس ما عجبني لان مكياجهم سهلات انا اسويه لنفسي

صالوون فندق رمادا قنبلة الموسم 😛

انا بصراحه انصدمممممت ما توقعت يطلع علي انا بالذات حلوو مشاء الله جربت اكثر من صالون بس مثل اللي جربته عند سهام بفندق رمادا غييير والله كنت حيييل مغامره بس ولله الحمد الكل يسألني بعرس اخوي ويقولون لي شكلج طالع يهبل مشاء الله ويسألون عن الصالون وانصدمو من رمادا
ترا رايحتله قريب بداية 2024 بس سهاااام الحلو والباجي XXXالمكياج ما يصلح للعرايس بس اذا كانتي معزومه على عرس او عرس اختها او اخوها انصحكم فيها

صالون فندق كونتيننتال

امممم انا ما احب الثقيل احب اللي يبرز الملامح يعني الوسط يميل للناعم <<< عاد انتو افهمو 😛
جربت كونتيننتال ما عجبني حييل حسيت انه ثقيل علي وبنت اختي ثانيه هم عروس سوت عندهم كان حلوو عليها بس فيه اسود وانا ما احب الشدو الاسود وكذا عروس من جمعتنا جذي ونفس درجة الثقل ما حبيته حييل يمكن يناسب حق وحده ملامحها كبيره يطلع عليها حلو والناس اذواق

لمسة فن الرقعي ..

جربته 5 مرات وكل مرا عند وحده عااد كلهم ناسيه اساميهم :Pالمهم اهو على حسب الطلب وكثير اللي يطلب ثقيل واللي نفسي تحب الوسط تقول لهم ابي انعم شي

جذي راح يفهمون انها وسط لانهم ما يتعاملون مع الناعم بالمراااا ولله الحمد كل مرا شكلي غير مو اووفر لا مثل ما ابي الا مرا وحده كرهت شكلي كان ثقييييل حيييل عند وحده مغربيه مع اني قايله لها ابي وسط وتحسفت اني قلت لها 😛

تجربت رفيجتي بصالون بريجيت..

حيييييييل تمدحه وتحن علي اني اروح للصالون تقول على قولتها طلعوها لبنانيه ان شاء الله لي روحه عندهم اشوفهم واقولكم ..

اتمنى اني فدتكم لو بشي بسيط بس اذكر تجربه لي او لوحده من خواتي او اي وحده من رفيجاتي راح اكتبه اهني

واللي عندها اضافه يكون احسن بس بدون سب الصوالين عشان الموضوع ما يحذف

دعواتكم لي ان الله يوفقني بحياتي الجديده ويتمم الله على خير

لكم فائق احترامي …