بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
شلونكم خواتي ؟؟؟
اتمنى الجميع بخير وبأحسن حال
يالغاليات بغيت اعرف شنو احسن نادي صحي بالمنطقه العاشره يعني يكون زين ومضمون مافيه سوالف تفصخ ولا كاميرات وخلافه وتكون ادارته زينه
ودي اشترك بالصيف بتحرك تعبت من القعده 
ناطره ردودكم 
السلام عليكم ورحمة الله وبركاته
شلونكم خواتي ؟؟؟
اتمنى الجميع بخير وبأحسن حال
يالغاليات بغيت اعرف شنو احسن نادي صحي بالمنطقه العاشره يعني يكون زين ومضمون مافيه سوالف تفصخ ولا كاميرات وخلافه وتكون ادارته زينه
ودي اشترك بالصيف بتحرك تعبت من القعده
ناطره ردودكم
ماهقيتها منكم ليش محد عبرني
بس ولا عليج امر ياليت تسالينها عن اسم النادي واكون لج ممنونه
في تعليم سباحه ؟؟
هالمنطقة بالذات نواديها تفشل وأقل أقل من اللي نتمناه..
نادي بودي ستايل "ابراج عالية وغاليه" دخلته شهر ولا كملت للأسف…لأنه دون المستوى
ضيفي على ذالك موقعه المشبوه في هالبرجين ..كلها أمريكان وفلبينيات عيني عينك..
وموقعه في السرداب يروووع ..صراحة .. من ناحية الأمن مو شيء
بعدين لاحظت انه بعض العضوات للأسف رايحين رادين بالموبايلات "كاميرا" لازم تشتكين عليهم عشان يقولون
لهم ممنوع.!!.
مافي سباحه ..طبعاً…
مدري كيف مرت الأيام علي ..وانا فيه لأني ماكملت اصلاً..
اتعنى لنوادي الجابرية والدسمة ..أبرك لي من نوادي العاشرة .صراحة
لا يطوفك نادي فيت الصحي التابع لجمعية المعلمين الكويتية الدسمة…
اشتركت فيه سنة كاملة بــ400 دينار مع 10 جلسات مساج مجانية..
انتي بس روحي ..شوفيه …وتحسري..على نوادي العاشرة..
استقبال ونظافة واهتمام وذوق وذرااابه ومدربات معك على الرايحة والجايه .. وفصول متنوعة من الرقص واليوغا
والأيروبيكس ..وغيرها كثير كثير…
والأفضل الأفضل فصول :الأكوا: الرياضة في المسبح ..""مسبح اولومبي ارتفاعه 5 امتار وطوله فوق الــ 20 متر واكثر.."
دُمتم
امبلا في نادي محترم جدا اسمه كازابلانكا
اذكر مره اشتركت وحده مو اوكي جان المديره قضبتها الباب
في نادي جديد توه مفتوح مارحت اشوفه يم سوق سناء من ورا اسمه المرأه الرشيقه توه مفتوح جديد
وهم عندج اللي بأبراج عاليه وغاليه بس زحمه ومافيه حمام سباحه
اتمنى اكون فدتج حيبتي
أنـا بصراحه أضم صوتي لـ صوت أنا غير
أنا كنت داشه هالنادي وصراحه مايستاهل اللي تدشه ولا تحط فلوسه فيه ,, ماكو حمام سباحه ولا شي مثل الناس
كازابلانكا يقولون إنه ريحة الماده اللي يحطونها بحمام السباحه طاغيه على النادي يعني تخنق الواحد
وإذا تبين نصيحتي فيه نادي أنا أمدحه لج لأنه انا رحت وشفته وناويه أسجل فيه بالسالميه وإذا تبين أعطيج أسمه بس مو ذاكرته الحين أشوف أسمه وأقولج عليه إذا بغيتي
وآسفه على المداخله
بس انا مابي سباحه ابي تخسيس اول شي ويني وين السباحه ياحظي
اهم شي يكون مافيه كاميرات والاداره تكون جامده
ANA 3’EER … زين انج قلتي لي عاد انا ناويه عليه عساس القرب جزاج الله خير يالغاليه والسالميه والجابريه بعيده علي مالي خلق اطق درب خصوصا اني بسجل بالصيف وتعرفين الجو وحنا باليت سايحين حر
كويتيه لذيذه … ولا عليج امر ياليت رقمه اذا ممكن ومشكوره اختي
ام خالد … والله سامعه فيه من زمان كازبلانكا والمرأه الرشيقه شفت اعلاناته بالجرايد بمرهم واشوف مشكوره اختي
MisS ^ B6o0o6A … مشكوره يالغاليه على مداخلتج مثل ما قلت السالميه اذا دشيتها ضعت وانا ابي مكان قريب مالي خلق اطق دروب تعرفين ندور القرب
مشكورين مره ثانيه
انا بودي ادش نادي في المنطقة العاشر عشان يم البيت
ابي اعرف جم بالشهر
واذا مدرباتهم زينيين ولا اي كلام؟؟؟
انا مرة قريت في بروشور خذيته من صيدلية في ابوحليفة عن نادي يطرش المدربات للبيت>> الي تعرفه تقولي هم احسنين من الطلعة
كل هالكسل ونبي نضعف خخخخخخ الله يكون في العون
ياليت اخت ام خالد تردين على اسئلة البنات ولا عليج امر