احلى مجبوس دياي من نعومي الحلوة

السلام عليكم ورحمه الله وبركاته

شلونكم شخباركم هذا المجبوس صج لذيذ بمعنى الكلمه

الدجاج تشمينه ريحته خنينه شي اسمه زفر مستحيل تشمينه

وهذا من طريقه الطبخه الي بنشووفها الحين

وعشاني احبكم بعطيكم الطريقه بس ابيكم تدعولي اذا طلعت الطبخه حلوه

الطريقه والمقادير:.:.

ناخذ الدجاج اي كميه تبين ثنين ثلاث انا سويت مره دجاجتين نصين ومره قطعتها اربع

انضفها واغسلها عدل مدل واعصر عليها ليمون الدجاجتين حبتين ليمون -هيل مطحون- بهار مشكل

فلفل اسود – ثوم مدقوق – شوي واخليه بهتتبيله ساعه ساعتين على راحتج انا الصراحه

انقعه من الليل وايب جدر احط فيه ماي حار وبهارت عدلهه -هيل – مسمار دارسين – شوي مخلوط -ثوم- بصلتين

اقطعهم على عدالهم وورق غار وملح هذا جدر والثاني نفسه الدجاج حقي وتتبيلته اصب فوقه ماي حار

بس يغطي الدجاج واحطه على النار بس يبدا يقلب جم قلبه اشيل منه الدجاج واحطه بالجدر الثاني الي فيه

البهارات الكسر واخليه لين يستوي ساعه وربع تقريبا

وهذا شكله

بعدين اطلع الدجاج وارش عليه شوي تندوري و

اقليه واخليه على جنب

اني حق العيش (الرز)

اكون منقعه عيش الكيمه الي ابي ايب جدر واحط زيت على حسب كميه العيش واشخل ماي السلق

حق الدجاج فوق الزيت واحط العيش يكون الماي يغطيه شوي الين ينشف واقصر عليه النار عشان يتهدر

اكون مجهزه الحشو بصل احمسه بدون زيت وابخ ماي الين يتغير لونه اذا صار بني شوي احط زيت

واحمسه واضيف النخي والبهارات والفلفل الاسود ولومي مطحون

وهذا شكله

واحطه على العيش

على جنب واكون منقعه زعفران وماي ورد وهيل شوي بعد لحطه ع جنب

وهذا شكله

بقى الدقوس:.:.

احط شوي زيت واحمس فيه علبتين صلصه واحط الملح والثوم والفلفل واحمس واضيف الماي واخليه

الين يثقل

وهذا شكله

وهذا يريش وسطله سويتهم مع مجبووس الدياي

وعليكم بالف عافيه وهلهله بالردود