اختي العروووس والبهاق ساعدوني :(

المشاركة الأصلية كتبت بواسطة cuteya22

اختي جربوا موسى سلامة جبر اكو عنده اشعة الناروباند هذي خر شي توصل لها العلم و تقضي على نسبة كبيره من البهاق واكو بعد مرهم ايبونه من المانيا اسمه سودو كاتاليس يحطونه ويتعرضون حق هالاشعه سالوا الدكتور موسى عنه يمكن يقدر ايوفره لكم هذا الكريم ممكن يوخر البهاق و مبدئيا كحل تجميلي خلتستعمل كريم اتلاقيه عند صيدليات الجابرية اسمة vaticolor هذا مثل التان بس مخصوص للبهاق اتحطينه ع البقعه مدة خمس دقايق و عقب اتغسلينه عقب ساعتين راح اتلاقين البقعة اغمجت صارت جنها لون الجلد و ساعات اتصير افتح او اغمج من لون الجلد عاد انتي طولي مدة حطج له او قصريها لين تيبين درجة اللون المظبوط حق لون يلدج
واهم شي قولي حق اختج توثق بنفسها و لا يهمها حجي احد و ياليت لو تصارحون الريال احسن مافيها شي و قولوله هالبقعه اطلعت لها توه و يمكن من النفسية و المحاتاة مالت التجهيز وان شاء الله مع الراحة النفسية اتروح
و توصل العلماء ان تناول مكمل غذائي من فيتامين b12 و فوليك اسيد بالاضافة الى مضادات الاكسدة ايضا توجد على هيئة حبوب ممكن ان يساعد و يسرع من شفاء البهاق
و طمني اختج انها اذا تعرضت لاشعة الناروباند الي قلتلج عنها فان البهاق الموجود في منطقة الوجه بسرعه يروووووووووووح من اسرع الاماكن ايروح فيها يعني ظرف 3 او 4 جلسات بيكون راح

و لاتنسيني بدعوة بظهر الغيب حبيبتي وان الله ينصرني على من ظلمني

المشاركة الأصلية كتبت بواسطة الـــــــعــــــنزــــيه

فية دكتور اعشاب و وكان حاط اعلانات في التلفزيون

اذا بغيتي رقمة ارسلي رسالة علي الخاص

المشاركة الأصلية كتبت بواسطة يلدا.

والله ما ودي اضيق خلقج بس عمتي داخت من طبيب لي طبيب ماكو فايده بس شوفي يمكن في علاجات يديده ؟

على العموم ترى السبب النفسيه هذا اهم شي ولازم تصارحونه لان اسمله على اختج بعيد الشر عنها ترى زاد عند عمتي صار بفخوذها وبطنها وركبتها

لا تتشائمين ان شاء الله خير