تخطى إلى المحتوى
الرئيسية » اختي فيها السكري

اختي فيها السكري

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمه الله وبركاته

خواتي في الله
بغيت مساعدتكم
اختي عمرها 10 سنوات
ومن فتره كنا نشوف ان فيها خمول زياده و كثره التبول عندها
وجفاف في شفايفها
وامس رحنا نسوي لها تحاليل عشان نتطمن
واليوم طلعت النتايج و قالو لنا فيها سكري
بنات ماتدرون شلون انصدمنا استغفر الله
ادري هذي الله كاتبه
بس لان ماتوقعنا كلش
لان لا امي ولا ابوي فيهم سكري
وتطلع هالصغيره فيها

بنات انا سويت سيرج في قوقل ويقولون اللي يصيدهم
يكون فيهم سمنه
بس اختي ضعيييييفه وااايد

مادري الافكار تودي وتجيب

بغيت تقولون لي شنو المفروض نتعامل معاها
شنو راح يسوون لها

الوسوم:

8 أفكار بشأن “اختي فيها السكري”

  1. madiha
    الرد
    حياتي الله يشافيها يارب
    وعادي كل اللي قلتيه صح لان سكر الطفوله او الشبابي
    ماله شغل لا بوراثه ولا بسمنه
    ويمكن هي من انولدت فيها سكري
    واكبر غلط اللي يقول السكر من النوع الاول سببه سمنه او وراثي او غذاء غلط
    انا مسويه تجمع حق السكري انضمي معانا وان شالله تستفيدين ياقلبي…

  4. مريم
    الرد
    السلام عليكم

    ماتشوفون شر حبوبه والله يعين اختج على هالسكر

    ولاتحاتين انا من عمري 13 سنه فيني السكري بس ولله الحمد ماكنت احتاج لاادويه ولاغيره مجرد حميه لاني بطوطه

    ويوم كملت 18 اختفى من جسمي وكانوا ولله الحمد كل مايقيسونه يقولولي مافيج شي الحمدلله

    بس مع الحمل والولاده رجعلي والحين لزق فيني

    بس انتوا لاتقيدونها لاتحسسونها انها تعاني من مرض شين اللهم ياكافي

    عودوها عليه تدريجيا ولاتحرمونها من كل شي تحبه عطوها بس بكميه محدوده

    الله يشافيها ويبعد عنها الامراض

    ويشافي ولدي ومرضى المسلمين

    موفقين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.