بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
خواتي كويتيات
انا اخت المعرس ابي مساعدتكم شلون نجهز للعرس نوينا نخطب لاخوي بنت الحلال
بس موعارفة شنو المفروض ابتدي فيه
بعد الخطبه والملجة ان شاء نبلش بالصالات والطقاقة والضيافة
اللي شاركت بالتجهيز لعرس اخوها تشرفني بردها واكون شاكرة وانا متأكدة انكم ما تقصرون
ابي شلون نقسم الفلوس بشنو نبتدي
وشكرا جزيلا
مبروك لكل العرايس والمعريس وعقبال البنوتات
السلام عليكم
خواتي كويتيات
انا اخت المعرس ابي مساعدتكم شلون نجهز للعرس نوينا نخطب لاخوي بنت الحلال
بس موعارفة شنو المفروض ابتدي فيه
بعد الخطبه والملجة ان شاء نبلش بالصالات والطقاقة والضيافة
اللي شاركت بالتجهيز لعرس اخوها تشرفني بردها واكون شاكرة وانا متأكدة انكم ما تقصرون
ابي شلون نقسم الفلوس بشنو نبتدي
وشكرا جزيلا
مبروك لكل العرايس والمعريس وعقبال البنوتات
انا ما عندي اخوان اكبار بس اهم شي عقب الملجه بلشي بالطقاقه لان الطقاقه الزينه مواعيدها سنه
واهم شي الضيافه ركزوا عليها لان الكل يبي يتكلم عنكم يااهل المعرس وعن ضيافتكم ؟
انتي بدويه ولا حضريه ؟؟
خوات المعرس من سنعهم طلع عرسهم خوش عرس
اي تجمع حطي الرابط
ومشكورة عالرد
والله يفشلللللللللل
لازم الحلوو انتوا اللي تجيبونه على ذوقكم من محلات الحلوو الكشخه اللي بالكويت اما القهوه والشاي في حريم متخصصات في هالشغله
انا اسأل لج وارد لج خبرر
انتوا متى حاطين في بالكم العرس ان شاء الله ؟
يمكن بالصيف اذا الله يسر
لان عندنا اختي ثانوية عامة
نبيها تخلص
ومماقصرتي
أول شي بلشوا بحجز الصاله وطقاقه من الحين..
ثاني شي.احجزي الخدمه الزينه واحجزي الدخلات والاستقبال..وبعدين احجزي الحلويات والفطاير..والتصوير
ثالث شي..الشقه ..بلشي بالتناتيف الصغيره من الحين لان اهي اللي تاخذ وقت واخذيها فرصه من الحين التنزيلات باديه يعني مثل التحف والاكسسوارات للشقه وللحمام والمطبخ..لان سبحان الله تنسينها اذا بديتي الشي الكبير
رابع شي..اثاث الشقه وغرفة النوم وادوات المطبخ الكهربائيه..
وانشالله اكون ساعدتج والبنات انشالله مايقصرون ..وانا واختي نسوي جذي بعروس اخواني..ومبروووووووووووكين
وعليكم السلام ورحمة الله وبركاته
خواتي كويتيات
هلا ومرحبا
انا اخت المعرس ابي مساعدتكم شلون نجهز للعرس نوينا نخطب لاخوي بنت الحلال
علي البركه ربي يتمم عليكم علي خير
بس موعارفة شنو المفروض ابتدي فيه
بعد الخطبه والملجة ان شاء نبلش بالصالات والطقاقة والضيافة
ان شاء الله بعد الملجه تجمعون المهر وتحددون تاريخ العرس يعني بإي شهر بإي يوم وبعدها تختارون الصاله وتختارون الطقاقه او الدي جي وبعدها تودون المهر وتبلغون اهل العروس بالتاريخ ومكان الصاله ومنو طقاقتكم اودي جيهكم هذا في البدايه وبعدها تبدون بالشقه واقتنمو فرصته التنزيلات علي الاثاث وبعد ماتخلصون تقريبا الشقه ابدوو في التقديم والضيافه
ان شاء الله مانسيت شي واذا تبين شي انا تحت امرج
وشكرا جزيلا
العفووو
مبروك لكل العرايس والمعريس
الله يبارك فيج
وعقبال البنوتات
اللهم امين ربي يرزقهم
بعدها قبل فترة بسيطة من العرس تفرين علي الحلويات والفطاير وورق العنب وتختارين اللي يعجبج ( يبيلها فرارة اسإليني توني خالصة )
بعدها شوفي خدمة الصالة اذا زينه واللا جيبيلج خدمة سنعه توزع شغلج اللي تعبتي علية ، وتصميم الصالة كامل علي حسب فلوسج فيه الغالي وفيه الرخيص ( اهم شي خلي عندج ميزانيه كاملة للعرس عشان ماتحاتين الفلوس )
والله يتمم عليكم
بس انا الي شفته من عروس خوالي
اول شي الشقه يعدلونها ويسونها واثاث وجذي ونصيحه ابدو مبجر لا يتراكم الشغل عليكم
وثاني شي شوفو الصاله وحطو وقت حلو وجذي
وشوفو الدي جي او اذا طقاقه
وبعدين شوفو البوفيه والتصوير وهالسوالف
واذا تبين شي قوليلي
أول شي بلشوا بحجز الصاله وطقاقه من الحين..
ثاني شي.احجزي الخدمه الزينه واحجزي الدخلات والاستقبال..وبعدين احجزي الحلويات والفطاير..والتصوير
ثالث شي..الشقه ..بلشي بالتناتيف الصغيره من الحين لان اهي اللي تاخذ وقت واخذيها فرصه من الحين التنزيلات باديه يعني مثل التحف والاكسسوارات للشقه وللحمام والمطبخ..لان سبحان الله تنسينها اذا بديتي الشي الكبير
رابع شي..اثاث الشقه وغرفة النوم وادوات المطبخ الكهربائيه
ثم الطقاقة
والبوفية اهم شي وصو على المطبقيات وحلاوة الطاولات
كروت العرس بعد حجز الصالة ودفع العربون
الكوشة
الصبابات مرره ضرورى
لازم اتجهزو حلا يمرو فيه الصبابات فى العرس لان الناس ينقدو
السياره حقت الزفة لاخوكى
البوفية حسب المطاعم اطلبو اذزوقو الاكل وتطلبو ذبايح حتى لو بوفيه حنا بدو نقد
اذا بتحجزون بفندق واحسن بعد فيه كل شي من .. الي كوشه وبوفيه وكل شي
واذا بصاله احجزي الطقاقه ويجي وياها دي جي حنا حجزنا ام طلال
وفي صفاقات اذا بتحجزون بدال الدي جي
والبوفيه ويجي وياهم عصائر وحلويات واذا بتزودين حلويات وعصائر من برا كيفج حنا حجزنا من الوطنيه
ولا تنسين المصوره حجزنا الفيصل حلو واسعارهم معقوله
واحجزي (المباخر والعطورات وكاشف البلوتوث ) هذول مع بعض احجزي ابن الوليد او الجاسم
مممممممم وعاد اخر شي تسوون كروت الدعوه سوي قائمه باسماء المدعووين
والله يعينكم ع الصرفيه وابدي من الحين تأثيث لان ا لدنيا كلها تنزيلات
ما قصرتوا عالردود الحلوة
طبعا الكل معزوم
والله يتمم على الكل بالخير يارب
شكرا جزيلا
الله يتمم بألف خير لكل العرايس والمعاريس
ما قصرتوا كويتيات
