اخير سويت الشفط والحقن والنحت

السلام عليكم ورحمه الله وبركاته

حمدالله على سلامتي

بقولكم بالتفصيل
اول شي دخلت المستشفى الساعه 8 الصبح ورحنا عند المحاسب
ودفعنا له ودفعت تأمين 250 دينار
وبعدها خذوني للدور الرابع وقالو نطري اشوي ونطرت وبعدها جاتني الممرضه وقامت
تاخذ حرارتي والضغط والسكر وتفحصني فحص كامل
وبعدها حسيت اني صدق بايعتها ما ادري ليش بس على قولتهم الي يبي الدح مايقول اح
المهم بعدها بخمس دقايق دشت الممرضه الثانيه وعطتني لبس العمليات وانا حدي خاااااايفه
وانا بيني وبينكم استحيت اني افصخ كل شي
المهم فصخت كل شي ولبست لبس العمليات وبعدها نمت على السرير ونزلوني من الاصنصير لي غرفه العمليات

واول مادشيت غرفه العمليات لقيت الطاقم كامل يبتسم لي وانا والله يابنات هههههههه
قامت مخيلتي دخلت بعالم ثاني بجد بغيت اهون واشوي وصل الدكتور هاشم واحمد ومعاهم الدكتور صلاح
وقالو الدكتور صلاح اخبارك ويقعد يلطف الجو لانه مبين علي اني خلاااااص الخوف متملكني المهم اقولكم كان يجيني الدكتور هاشم وقال يالله تعالي اوقفي ووقفت وقعد يخطط لي جسمي بالقلم وحدد لي الجوانب والضهر والبطن والخصر والارداف
وبنفس الوقت يسولف معاي وانا حدي مستحيه مغمضه عيني وهو يخطط على جسمي وبعدين جا الدكتور صلاح وهو يسولف علي عطاني ابره بالوريد
وفجاه قمت اشوف كل شي حولي اربع وحدي دخت وفجاه دخلت في مرحله ما احس ابد بلي حولي
وبعدين بدو شغلهم الساعه 8 ونص ولاصحيت من العمليات الا الساعه 2 الظهر
ولما فتحت عيوني قال لي الدكتور خلصنا وقعد يبتسم وانا احس جسمي مشدووووود ويعوووورني ومقدر اتحرك
المهم قعدت بغرفه العمليات لي الساعه 3 العصر
عشان يتاكدون من صحتي
واحس اني مخيطه من كل صوب واللللم فضيييع
المهم بعدين صعدوني الجناح وعطوني درب ونمت لي الساعه5 المغرب
وصحيت ولقيت الدكتور احمد على راسي
وانا لحد الان ماشفت نفسي المهم قعد يفحصني وقعد يقول مشالله جسمك منحوت نحت عاد انا الحين طق براسي ابي اشوف جسمي
بعدين قلت للممرضه ابي الحمام قالت اوك واول ماقمت طحت من تأثير البنج
يااااااااااااي شعوووووووووووووور البنج خااااااااااايس حده المهم ما ادري ليش بكيت لانه يعور حده
بعدين جاتني مع الممرضه ممرضتين وساعدوني بنااااااات والله العظيم اني خفت اعطي نفسي عين والله نحت جسحت يوم شفت
نفسي نسيت العوار وارد اطيح مره ثانيه ههههههههههه
مو مني من البنج المهم وقعدت عندهم لين بديت احس اي احسن وبعدين عطوني اكل لاني من قبل العمليه بيوم مو ماكله شي

وحمدالله على كل حال واليوم توني اطلع الظهر وعندي موعد الاربعاء
بس والله يابنات لابطن وخصر منحوووت واردااف متروووسه والله اني اكتب لكم وانا منسدحه على بطني
وحمدالله على كل حال وفي شي بعد اذا سمحو احط صوره للعمليه ساعتها بحط والله يبنات اني قمت اتناسى للعوار بسبه الشكل النهائي حمدالله
واي استفسار انا حاضره