اذا مرت عليكم هالحالات . قولولي شسوي !!!

أذا هم كبار ثانويه مايصلح معاهم لا رائده صف ولا هديه لو متوسطه يمكن ..
الحل : لاتصرخين ولا تعصبين خوفيهم وقولي اللي تتأخر بسجل اسمها وانزله للوكيله وهي تتصرف معها
وطبقي هالشي اذا شاغبو أو تأخروا

قوليلهم بكتب مخالفه حق الي تسوي شغب وله تتأخر و اذا اتكررت المخالفه 3 مرات راح افصلكم

النرفزه ماتنفع كثر ثقتج

اهم درسوج خلاص وعرفوا انج ماتقدرين تضرينهم

من يسوون إزعاج عطيهم تنبيه اول انج بتوقفين الدرس ووضحيلهم انج مؤ ملزومه تشرح لأشخاص مؤ مستعدين ينتبهون

لو عادوها مره ثانيه بنفس الحصه وازعجوج وقفي الشرح وقوليلهم درس اليوم مشروح وكوني هاديه وجاده اهم شي … وقوليلهم باجر اختبار قصير درجته بتدخل بالشفهي

ومن تطلعين روحي الاخصائية وصكيهم كلهم تعهد وخل الاخصائية تيبهم كلهم عندها وقوليلهم الصفحة القديمه انطوت وعطيتكم ويه وعاملتكم أنكم كبار لكن من اليوم ورايح كل واحد يباخذ قدرة وماراح اتساهل .. كل وحده تفكر بمصلحتها

وقولي للاخصائية جدامهم ( المره اليايه ابي فصل ومابي مناقشه بالموضوع حتى لو فيها حرمان من اختبارات)

بس حبيبتي الموضوع لا يوصل للناظره من اولها لأن هالشي يقلل من نظرتهم ونظرتها لج .. كوني سيدة الموقف

جربي هالطريقة لو ما نفعت بقولج الخطه البديله

حبيباتي انتو أدرى بطالباتكم

هالطريقه أختي سوتها وانا نصحت فيها صديقه والوضع مشى معاها عال عال

مسألة أوقف الدرس هاذي مؤ مسألة مسموح او غيره أهي طبعا مؤ مسموحه نفس ما الشغب مؤ مسموح

لو احد كلمج قوليلهم شلون اشرح والصف إزعاج والطالبات كبار ما ينطقون وبنفس الوقت مؤ ملتزمين ومن مؤدبات

والدرس اللي ما انشرح حبيبتي عادي ينشرح من باجر المهم تطلعين بنتيجه والبنات لما تسوين جذي راح يخافون ويلتزمون

الكلام تخويف وعلشان المشاغبة محد يعطيها ويه اذا بتضيع عليهم الدرس

ومسألة الامتحان المفاجئ مسموحه منو قال لا

اذا انتي شارحة الدروس ومنبهتهم من اول السنه يدرسون بعد شيمنع أقيس مستواهم

عادي قوليلهم امتحان ولو احد سألج من الادارة قوليلهم هذا عندي اختبار مستوى علشان أخليهم يدرسون اول بأول

غريبه سالفة الممنوع ..!!!

عالعموم أكيد انتي أدرى بإدارتج وصفج

الله يهديلج إياهم

ليش مو مسمووح الاختبار المفاجئ

انا ما اقووولج فجاة اختبريهم

بس اخذي درجة اللي اتحل و خليها بونص

فراي

شلوون الوضع وياج