ارجو تفسير الذئب في المنام

السلام عليكم ورحمة الله وبركاته

يعطيج العافية اختي على المجهود اللي تقدمينه ,,,,,

اتمنى تفسرين لي الحلم بأقرب فرصه لأنه شاغل بالي

قبل كم يوم حلمت بزوجة أبوي الله يرحمها , كأني ماره بمقبره ومن بعيد أشوف قبر وعلى اساس اني عارفه انه قبرها وكان حولها ذيابه تقريبا ثلاثه , وانا فزعت وخفت خوف شديد لدرجة وانا نايمه حسيت نبضات قلبي سريعه , فتجرأت ورحت للقبر بخلصها منهم ولما وصلت لقيتها الله يرحمها بيدها اتوقع كان عيش وهم ياكلون من ايدها ولما شفتها توكلهم وماضروها حسيت براحه ورحت وتركتها

معلومات يمكن تحتاجينها للتفسير :
زوجة ابوي الله يرحمها طيبه جدا جدا عندها ولد واحد وهو اكبر اخواني وهي انسانه ملتزمه وتتقي الله في كل شيء الله لا يحرمها الأجر ويجعله في ميزان حسناتها , وما ادري في شي المفروض ما اقوله بس احس له علاقه بالحلم , اتذكر وانا صغيره يعني سبع ثمان سنوات كانت كل فتره اذا كانت تعبانه ولا شي تعطيني طاسة عيش تقول روحي رشيها بالحوش وكانت العصافير تجمع عليها , والحين صار عمري 28 سنه وانا ارش عيش بدرايش بيتي وكل ما اشوف العصافير مجمعه ادعيلها بحياتها وعقب ماماتت الله يرحمها

جزاج الله حير اختي واسمحي لي عالاطاله