اسأله عن الياهل الرضيع

عموما يبدي الياهل يشوف بعد الاربعين .. انا ولدي تقريبا بدي يشوف قريب ال 3 اشهر

وتقريبا متى تتعدل نومه الياهل؟ كل طفل يختلف عن الثاني انا ولدي بدت تتعدل نومته عالسنه ونصف وفي يهال بعد الاربعين اسم اللة عليهم

متى بديتوا تطلعون الياهل معاكم ؟ اي وقت تقدرين تطلعين الياهل وياك بس اخذي الاحتياطات الضرورية

شلون كان وضعكم اول ما طلعتوا من الاربعين؟ تقصدين اي وضع بالظبط ؟؟ بعد الاربعين كل يوم تجربة جديدة راح تحسين انك تغيرتي و حياتك تغيرت .

شوفي حبيبتي كل ياهل وطريقته في ناس يطولون وفي ناس ماشالله بسرعة

على حسب

متى يبدي الياهل يشوف؟؟ بعد الشهرين

وتقريبا متى تتعدل نومه الياهل؟ وينام على الاقل 6 ساعات؟ لما يكمل 4 شهور

متى بديتوا تطلعون الياهل معاكم ؟لما يمشي

شلون كان وضعكم اول ما طلعتوا من الاربعين؟تعب وسهر ومحاتاه بالدوام

هلا والله
مشكورين على الرد بس انا ناس يقولون لي انهم يطلعون الياهل معاهم عادي بعد الاربعين بس انا قلت بشوف انتو جذي ولا لا ؟؟

وسالفه النومه اكو ناس يقولون انهم يتحكمون بالياهل يعني متى ينام ومتى يقعد بس مادري هالشي سهل ولا لا ؟؟

لاحبيبتي الياهل يشوف وانتي بالاربعين مو بعد الاربعين بس مايقدر يشوف الى على بعد 25 سم
وكل مايكبر يشوف اكثر ولاكن مايشوف عدل يعني يكون جنه ضباب الى ان يدخل الشهر الرابع وهالكلام من الدكتور

وتتعدل نومة الياهل غالبا بعد مايكمل ال4 اشهر وكل ياهل غير

وانا زوجي مايرضى نطلع مع بنتي ليلحين لان انا وزوجي صغار ومرة وحده طلعت ورحت المطعم والكل قعد يطالعنا بدون مبالغه وزوجي لاحظ هالشي فحرمنا نطلع خوفا من الحسد مع العلم ان شكلي انا مايوحي اني متزوجه

وعقب ماطلعت من الاربعين حسيت بشويه تعب بس عادي راح تتعودين