اسئله تفيد جميع مستجدات التربيه الاساسيه

وياريت الي تعرف بموعد الامتحان والمقابله والتسجيل بالضبط
عندنا 28 و 29 و30 و 1-10 بس كل واحد مادري اي تاريخ

موجودين بجريدة الراي ,,,
1 – المقبولون (بنين، بنات) بجميع كليات الهيئة عليهم مراجعة كلياتهم يوم الاثنين الموافق 29/9/2009 لأداء امتحان اللغة الانكليزية الساعة التاسعة صباحا.
2 – المقبولون (بنين، بنات) بكليات التربية الأساسية والعلوم الصحيةج وكلية التمريض عليهم مراجعة كلياتهم يومي الاثنين الموافق 29/9/2009 والثلاثاء الموافق 29/9/2009 لحضور الندوات التنويرية للطلبة المستجدين الساعة التاسعة صباحا.

امتحان الانقليزي شلون طريقته وجم مده الامتحان اذا بدا من التسع ساعه ولا اكثر

الامتحان بالنسبة لي كان زين واحس وايد مار علي ,, معني ضعيفة بالانقلش ,, بس في اساله تمر عليج سسههههله ,, والامتحان مدتة طويله تحلين وتخلصين وليلحين في وقت ,,

وبالنسبه حق المقباله الشخصيــه ..
انا تخصصي علوم انشالله شنو ممكن يسالوني ؟

انا انصدمت خبة ومقابله ,, بالنسبة لتخصصي الرياضيات سالوني
ليش مقدمة كورس ثاني
وشنو هواياتج ,,
ومايابولي شي عن تخصصي ,,, : والمقابله كانت اقل من دقيقة او دقيقتين لول
والكل ينجح بالمقابله عادي ,,

وانا مقدمة تحويل فنية فسوولي مقابله شخصية بعد امتحان القدرات

حطو جدامي اوراق مثل الوان واشكال من بينهم رقم ,, لازم تقولين جم هالرقم ,,
وبس طلعت ,,

قواج الله اختي انين الصمت ما قصرتي

كفيتي ووفيتي

وأي اسئله بعد احنا حاضرين

والله يوووووفقكم

يعطيكم الف عافيه بنات ما قصرتو والله

بس بنسبه حق التواريخ
كل جريده غير
مادري اي جريده قريت مكتووب تاريخ 28
وحتى هذا الحين
اثنين وثلاثا كاتبين تاريه 29
ما ينعرف لهم
اتوقع في غلط

يعني الحين الاثنين امتحان الانقلش تاريخ 29
والمقابله الثلاثا30 ؟؟

تسلمين ويعطيج الف عافيه

والي عندها المواعيد بالضضبط ومضمونه خل تفيدنا بعد ..

بنات حبيت اسال ما تدرون وين مكان الامتحان

بالمبنى الرئيسي ولا بالملحق ؟؟

ووين نروح حق الامتحان ؟
كل وحده مكان القسم الي انقبلت فيه ولا شنو ؟؟