السلام عليكم
في موضوع للأخت ليالي نجد تطلب فيه مساعده بطريقة استخدام خام الجوخ في تززين الملابس وصنع الاكسسوارات وانشالله اقدر اساعدها بالشرح المفصل بالصور
بس انا فضلت احط الشرح بموضوع منفصل عشان الكل يستفيد بناء على طلب من اختي عهود الحب
نبدي باسم الله الرحمن الرحيم
اول شي اختاري الرسمه الي تبينها سواء من النت او اذا انتي تفضلين ترسمينها بنفسج
وخل نفترض انها ليدي بيرد
لازم يكون عندج جوخ احمر واسود عشان الليدي بيرد واذا تبين تحطين ورقة شجر راح تحتاجين الجوخ الأخضر
وتحتاجين الرسمه مبسطه على ورقة
او اذا كانت رسمه بسيطه مثل الليدي بيرد ماتحتاج رسمه تقدرين تسوينها بنفسج
بس اول شي لازم ركبين الفازلين عالجوخ وتكوينه عشان يلزق و يسهل بالقص وهذا الي يخلي الشكل يضبط
بالنسبه للفازلين في انواع
في النوع الثقيل وفي النوع الخفيف وفي الي يلزق من الجهتين
انتي اخذي الي مايكون ثقيل وايد لأن بيصير مثل الكرتون بس هم لاتاخذين الخفيف وايد مايسوي شي
المهم عقب ما نكوي الفازلين عالجوخ ويتثبت
ترسمين الأشكال المطلوبه على ظهر الجوخ عالفازلين مثل الصورة
بعدها نقص الأشكال راح يطلعون بهالشكل
ونركبهم مع بعض
أول شي نركب الدائرة السوده الكبيرة فوق الشكل البيضاوي الكبير
السلام عليكم
في موضوع للأخت ليالي نجد تطلب فيه مساعده بطريقة استخدام خام الجوخ في تززين الملابس وصنع الاكسسوارات وانشالله اقدر اساعدها بالشرح المفصل بالصور
بس انا فضلت احط الشرح بموضوع منفصل عشان الكل يستفيد بناء على طلب من اختي عهود الحب
نبدي باسم الله الرحمن الرحيم
اول شي اختاري الرسمه الي تبينها سواء من النت او اذا انتي تفضلين ترسمينها بنفسج
وخل نفترض انها ليدي بيرد
لازم يكون عندج جوخ احمر واسود عشان الليدي بيرد واذا تبين تحطين ورقة شجر راح تحتاجين الجوخ الأخضر
وتحتاجين الرسمه مبسطه على ورقة
او اذا كانت رسمه بسيطه مثل الليدي بيرد ماتحتاج رسمه تقدرين تسوينها بنفسج
بس اول شي لازم ركبين الفازلين عالجوخ وتكوينه عشان يلزق و يسهل بالقص وهذا الي يخلي الشكل يضبط
بالنسبه للفازلين في انواع
في النوع الثقيل وفي النوع الخفيف وفي الي يلزق من الجهتين
انتي اخذي الي مايكون ثقيل وايد لأن بيصير مثل الكرتون بس هم لاتاخذين الخفيف وايد مايسوي شي
المهم عقب ما نكوي الفازلين عالجوخ ويتثبت
ترسمين الأشكال المطلوبه على ظهر الجوخ عالفازلين مثل الصورة
بعدها نقص الأشكال راح يطلعون بهالشكل
ونركبهم مع بعض
أول شي نركب الدائرة السوده الكبيرة فوق الشكل البيضاوي الكبير
بعدين نركب النقط السود الي اهم الدوائر الصغيرة
بعدين اذا حابين تحطون شكل ورقة شجر تقصين خام جوخ اخضر بشكل ورقة شجر
بعدين اذا حابة تخيطين بوسط الورقة تضليعه أوراق الشجر عشان تعطي شكل احلى بس تقدرين تستغنين عن هالخطوة
وتقدرين تركبينها على تاج او باند او على جاكيت جينز
أو تركبينها على جنطه
اتمنى يكون الشرح واضح
وانشالله باجر بحط شكل ثاني مع الشرح
تسلم ايدج يارب..
يعطيج العافيه حبيبتي
تسلم إيدج ..
مبددددددددعه دوووووووووووم
ياحلاتج
والله
من وين شاريه الخام علمينا ومالج الا دعاء بظهر الغيب
ياحبي لهالسوالف والله ومن ايدج الدرس طلع موطبيعي
شوقتينا يا ام بدير
اانا ارسم رسومات حلوة حيل بس دليني من وين الخام وبشتريه عقب زحمة العيد والحوسة وبوريج باذن واحد احد
تسلميييييييييييين عدد خلق ربي شاكرة لج فديتج
شاكره مروركم ونورتوا الموضوع
عهود حبيبتي خام الجوخ ماخذته من البلوكات محلات الكلف عندهم ألوان وايد عاد طبي وتخيري
وراوينا شغلج انا احب اشوف هالسوالف
افا عليج
اضبطج بس خل اتفرغ ام بدير والله الحين تجمعت مع بعضها
بس خل اتفرغ وسويلي شغله واذا ضبطت بدعي لج دوم والله
انا اموت بعد بهالسوالف
اليوم شريت نفنوف ساده من ستاديفايروس
ودي اسويله كلف وشغلات مثل جذي
بس مشكلتي مو راعيه رسم وفناتق
ان شالله بروح البلوكات واشتري
ياليت توريني شلون اسوي فراشه لانو ابي احطها بالنفنوف احس بتلوق
عهود لا اتعبين نفسج واتروحين البلوكات خلصته كله خخخخخخخخخخخخخخخخخخخ
بتلقينه عند محل واحد بالبلوكات اسمه اجياد للكلف بسوق الصفاة يمه محل اعتقد اسمه غازي للكلف
دورته لين خاب ثواي مالقيته الا عنده ويقول تونا جايبينه علشان طلب الخوات والشتا جاي
يحلوج و يا حلو مواضيعج
واللهاستانس على حركاتج
ماقصرتوا والله اخجلتم تواضعنا
امول انشالله بحاول احطلج صورة الفراشه باقرب وقت
ليالي نجد تستاهلين حبيبتي وانشالله تلقين الي تبينه
حبيبتي مرج والله انا بعد استانس لما احس انكم مستفيدين ومستانسين من شغلي
عساكم دوم مستانسين