استفتاء لكل المدرساء يرجى من الجميع المشاركه وخاصة الريااااااض

اولا الفرق بطبيعه العمي انا ما اتخيل نفسي ورا مكتب او كمبيوتر واقلب بالاوراق

انا معلمه

بعدين يكفي ان لنا عطله ناخذ راحتنا والاداريه تداوم طول السنه لها بس 40 يوم

يعني كل مجال له وعليه

بس حسب شخصيتج

انا صراحه ما اتخيل نفسي شي غير معلمه

وتسلمين علي هالموضوع

يعني احنا دخلنا كلية التربيه برغبتنا .. وتخصصنا بالمجال اللي نبيه

وبس نتوظف .. نلقى أنواع الإحباط من اللي حواليج بالمدرسه

ليش صرتوا مدرساات وليش وليش؟؟

مع انها مهنه حلووة ولها أجر كبير عند الله .. وتعلمج الصبر وطولة البال
وراح تصادفين نااس اشكال وألوان من الأجتماعات وغيرة

واااااااااااي تعالي الحين شوووفي الملل و طبيعي لان مافي طالبات … الجو كله حش وسوالف

(( ما أتخيّل نفسي إلأأ معلمه ))

يعني ان رحتي مكان ثاني اداري بيقل المعاش صح وبيقل شغلج ..
انتي شنو تبين ؟؟

انا المعاش ما يفرق معاي ..

بس اشوف العطلة اللي ما تتعوض

والتدريس نفسه حلو ماعندي اي مشكلة معاه احبه ..
المشكلة بالاشياء الثانية اللي مو من صميم شغلج ومضطرة تتحملينها ..

اقتباس:

المشاركة الأصلية كتبت بواسطة ۰•● أبله خلوودة ●•۰ احنا التعيين الجديد عانينا من هالشي يعني احنا دخلنا كلية التربيه برغبتنا .. وتخصصنا بالمجال اللي نبيه وبس نتوظف .. نلقى أنواع الإحباط من اللي حواليج بالمدرسه ليش صرتوا مدرساات وليش وليش؟؟ مع انها مهنه حلووة ولها أجر كبير عند الله .. وتعلمج الصبر وطولة البال وراح تصادفين نااس اشكال وألوان من الأجتماعات وغيرة واااااااااااي تعالي الحين شوووفي الملل و طبيعي لان مافي طالبات … الجو كله حش وسوالف (( ما أتخيّل نفسي إلأأ معلمه ))

والتعب لابد منه .. ماكو وظيفه فيها راحه 100% الكل لازم يشتغل عشان يحلل هالراتب … و أولا و أخيرا اللي تختار التدريس المفروض انها تكون حابه مسألة التعليم .. وماكو احلى من انج تمسكين طفل و تغرسين فيه الاشياء اللي تساعده انه يكون انسان له قيمه .. واللي تسوي هالشي راح تشوف ان حتى الطالبات والطبه حبوهااا …. وماكو أحلى من قولة : ابــلة آنا أحبج واااااااااااايــد ..

ومو مهمه العطله لأنها كل ما طالت تكون ممله

أحلى شي الأطفال وسوالفهم وإجاباتهم العفوية لما اعلمهم

وأسوأ شي في هذا المجال الأدارة والتوجية طبعا البعض مو الكل

صدقتي ياقمر نجد … واللي يونس أكثر .. لمن تخلص الحصه و يطق الجرس .. ويقولون: لااااااااااا … أبله قعدي عندنا بعد..!!!

ياااااااااحلوهم فديتهم ..