استفسارات الليزك ()

خواتي مسوينها عند الدكتور عبدالله المنصور وماشالله النتيجه وايد حلوه بس اللي الاحظه ان اغلب اللي يسوون الليزك من صديقاتي وخواتي اشوفهم يشتكون من الجفاف بالعين بس مادري اذا هالشي بسبب الليزك او لا

ماكو ضماد يمكن بس اول مايسويها وبالليل تشيلينه ونهار ثاني تبين النتيجه
وسووها اظن يا 500 او 600دينار

سويتها بالعسكري عند دكتور فيصل والحمدالله كلش ما اشتكي من الجفاف مع ان الكل يقولي لازم تحسين بالجفاف

واذا تبين خوش دكتور
عندج دكتور حسين العباد كان بالعسكري وطلع
ومحمد وجيه الديب بدار الشفا و
واايد اعرفهم سوها عنده ويمدحونه حيل

والله نصيحه يابنات سووها

راااااحه نفسيه
بلا عدسات وبلا نظاره

انا سويتها والحمدالله ارتحت من النظاره والعدسات سويتها عند الدكتور سامي الربيعه …. بنات لا تحاتون توكلوا على الله اول شي فحص وعقب يقولون لج والدكتور مشالله مايحتاج شهادتي ناس من بره الكويت تعنون له وريال ملتزم

واللي خايفين ترى العمليه مدتها 10 دقايق تقريبا وما كو اي عوار

انا مره رحت سويت الفحوصات وكلشي بعدين اهلي اثروو على قراري اكثر من ما انا خايفه يقولون لا تتعبثين بعينج ومادري شنو

انزين انا الدكتور قالي الليزر ماينفعني لازم الليزك
موصح يمشي شي عالعين يشيل طبقه خفيفه ؟ هذي اشلون حزتها اظمن اني ماراح ارمش من الخوف ولا شي ؟
انا ترا حيييييييييييل خوافه والي تفيدني يزاها الله الف خير

وبعدين صج بهالعشر دقايق مارمش كلش ؟؟؟ ماقققققققققققدددددددررررر :"(

انا بعد سويتها قبل 3 سنوات عند الدكتور محمد وجيه الديب اب دار الشفا اب 450 دينار … اووااايد مرتاحة لا نظارة ولا عدسات ولاشي بس عيبها ان العين تصير حساسة شوي … مثلا ماتقدرين تلبسين عدسات ملونه .. او حتى اذا احد يمج يدخن زقاير مرات تحسين عينج تحرقج شوي … بس هم ارتحت لما سويتها

اعرف ناس سووها بالاحمدي لان عندهم اقارب بالبترول

ببلاش
بس ما شاء الله اشوفهم بسرعة طابوا و نتايج ممتازة اسرع من اللي سووها بالخاص