السلام عليكم
شلونكم بنات ديرتي يمكن هذه اول مشاركه لي بالمنتدى بس انا مايمر علي يوم اللا ولازم امر عليه لان ماشالله صار مرجع مهم بالنسبه لي ولان ادري ان احنا الكويتيات همومنا وطموحنا وحدة
عشان جذي عندي اساله فبالي وان شاءالله القى الرد عندكم ادري فيكم ماراح تقصرون حبايبي .
1- حبيت اعرف شلون طريقة توزيع القسائم ،يعني احنا مقدمين على قسائم الخيران اعتقد بو 600م سنة 2024
فشلون اعرف متى دورنا ؟ وبعرف اهو التوزيع يتم على اساس وقت الطلب بالاقدمية ؟ واللا على حسب المنطقه المختارة ونوع الوحدة وحجمها ؟
لاني دخلت موقع المؤسسة وشفت رقم الطلب بس مافي اي معلومه عن الطلب
2- شرايكم باراضي الخيران السكنيه اللي 400 م وعلى 70000؟ ،بصراحه هذا اللي مقدور عليه مع الاسعار الخياليه حتى لو بتقولون الحكومه بتعطينا انا فبالي ان زيادة الخير خيرين عشان الزمن ، بس كل ما بشتري ماينصحوني ليش ؟!
3- منو عندها فكرة شلون احصل على تمويل يقدرني اني اشتري ارض او بيت عن طريق بيت التمويل او بنك بوبيان وغيره بلييز ابي شرح مفصل
ولكم الف شكر
السلام عليكم
شلونكم بنات ديرتي يمكن هذه اول مشاركه لي بالمنتدى بس انا مايمر علي يوم اللا ولازم امر عليه لان ماشالله صار مرجع مهم بالنسبه لي ولان ادري ان احنا الكويتيات همومنا وطموحنا وحدة
عشان جذي عندي اساله فبالي وان شاءالله القى الرد عندكم ادري فيكم ماراح تقصرون حبايبي .
1- حبيت اعرف شلون طريقة توزيع القسائم ،يعني احنا مقدمين على قسائم الخيران اعتقد بو 600م سنة 2024
فشلون اعرف متى دورنا ؟ وبعرف اهو التوزيع يتم على اساس وقت الطلب بالاقدمية ؟ واللا على حسب المنطقه المختارة ونوع الوحدة وحجمها ؟
لاني دخلت موقع المؤسسة وشفت رقم الطلب بس مافي اي معلومه عن الطلب
2- شرايكم باراضي الخيران السكنيه اللي 400 م وعلى 70000؟ ،بصراحه هذا اللي مقدور عليه مع الاسعار الخياليه حتى لو بتقولون الحكومه بتعطينا انا فبالي ان زيادة الخير خيرين عشان الزمن ، بس كل ما بشتري ماينصحوني ليش ؟!
3- منو عندها فكرة شلون احصل على تمويل يقدرني اني اشتري ارض او بيت عن طريق بيت التمويل او بنك بوبيان وغيره بلييز ابي شرح مفصل
ولكم الف شكر
اما بالنسبة لاراضي الخيران المعروضه للبيع فارتفعت حاليا اقل سعر ٨٥ الف و طالع من شهر بدت ترتفع .
اول شي التوزيع يتم عالاقدميه
احنا طلبنا سنه 2018 ولي الحين مايانا الدور يعني صار لنا 13 سنه
(( قمه الاحباط )) صح بس ماردها بتنفرج علينا
وثاني شي ما يصير تاخذين ال 70000 مالت الحكومه الا اذا استغنيتي عن البيت اللي بيعطونج اياه يعني يا تنطرين بيت الحكومه او الارض وقرض من الحكومه و انج تاخذين ال 70000 وتزيدينهم دبلات عشان تشترين لج قرقور 375 متر باحد هالمناطق السنعه
ان شاء الله ايينا الفرج القريب ملينا نبي انحس بالاستقلاليه نبي بيت وما نقدر عالمشترا الاسعار مالت العقار نار وشرار
الله المستعان
تعطيج حق بيت او ممكن شقة بمواصفات معينه ….
ويروح عليكم توزيع الحكومة
انتي تابعي الجرايد و الموقع اول باول ….
لانهم ما يدقون على احد ….
هم يحطون اعلان … ويقولون ( اصحاب طلبات السنه **** ) واللي يبون ياخذون بالمنطقة الفلانية … خل يراجعونا ….
الدور واصل الحين سنة 2018
طبعا طلعت لهم الاراضي …. اللي بصباح الاحمد …
بس ما يقدرون يبنون فيها …. لان البنية التحتية مو جاهزة ….
بس كل واحد يعرف وين قسيمته
bnt_kwt
ليش لحد الحين ما يه دوركم ؟؟؟؟
اعرف ناس متزوجين بعدكم وطلع لهم بصباح الاحمد
بدون بدل وبدون واسطة ….
بس مجرد استلام الارض ….
عشان جذي لي الحين ما وصل دورنا