استفسار بخصوص د- ليلي الربعي الي بقرطبه للرجيم؟

اول مرة اسمع فيها

اول مره اسمع فيهااااااا
انا من الناس لا طاقه لا دكتور لا شركه وجبات ينفع معاي

حالتي ميؤوس منها

بنات آنا أعرفها أنا الحين مشتركه عندها مع الغروب اللي بدا هالشهر حده وناسه شي يديد وراح أكتب عن تجربتي بعد ما أخلص بس من تجربة صديقتي اللي خلصت جلساتها من شهر تقريبا النتايج روعه وعلى فكره هي مو دكتورة تغذيه وما تكتب وصفات ريجيم هي متخصصه في الطب البديل والطاقه وعلم النفس ووايد أشياء ما أذكرها قالتها لنا لما عرفتنا بنفسها أول يوم والنتايج الى الآن ممتازه من أول جلسه تعلمج شلون تسيطرين على شهيتج وتغير مفاهيمج عن الأكل الصراحه شي أول مره أسمع عنه في حياتي ما عمري فكرت ان الأكل مثل ما قالت لنا الدكتوره اللي يسيطر عليه خيالج مو ارادتج وأشياء وايده تشرحها لنا حده وناسه والجو العام مريح هدوء وصوت طبيعه وشموع كنج في سبا حده فرق بينه وبين النطره في عيادة د.وجدان والنتايج لين الحين ممتازه وحدي أنطر الموعد الياي على أحر من الجمر وولهانه على الغروب اللي وياي بشوف اشصار معاهم انشالله نتايجهم مثلي

وانا معاج

لوووووووول أنا ثلتها قبلج لا مو يس جذيه المشكله الناس تضعف مع الرجيم انا الله وكيلج اسمن من يصير يوم الفري ما يبقى شي ما آكله لين احس مو قادره اتنفس من التخمه بس الصراحة جزاها الله خير اللي علمتني عن هالدكتورة صج صج صج توفقت أخيرا الله يتمم علي قولي امين .انا صار لي معاها تقريبا اعشر أيام ووزنت من ورا الدكتورة (لانها ما تحب نوزن على طول علشان ما نتأثر) المهم وزنت لقيت اني نازله كيلوين مع اني آكل كل شي ومو حارمه نفسي من أى شي …. صج وناسه

وناسه ناطره تجربتج..