استفسار بخصوص نوم الطفل مع والديه

حبيبتي علمياً الياهل من أول ما ينولد لازم تحطينه بروحه بس احنا مانقدر نخاف عليهم فآنا برايي الياهل من يصير عمره سنتين لازم تعودينه ينام بغرفته لأنه كبير ويفهم بس مو معناته تحطينه بينكم قبل هالعمر لا عوديه لازم سرير بروحه ويكون السرير بعيد عنكم علشان يتعود انه مايشوفكم ومن تودينه غرفته حطيله سرير كبير وفيه حواجز بس يقولج أول شي حببيه بالغرفة خليه يقعد فيها وايد حطيله تلفزيون بعدها بفترة وديه الغرفة ينام فيها علشان مايكون مكان يديد عليه انا سويت مع بنتي جذي والله بالآخر اهي من نفسها صارت تبي تنام بالغرفة علشان تلعب ليما تدوخ بعدين تشوف باباي ليما تنام والخدامة معاها بالغرفة وانا اطل عليها على طول

ياليت البنات يفيدونا لأني ودي اخلي الكتكوووته تنام بروحها بس ماني عارفه الوقت المناسب لسنها

حبيبتي انا هني بامريكا
الدكتور يقول المفروض من اول ما ينولد بغرفه بروحه
واذا مافي مجال حطيه يمج مو مشكله بس عزليه
يعني خليه بزاويه وحطي حاجز او ستاره
المهم خليه يحس انه بغرفه بروحه
لان متى ما تعلق الولد بالام والابو خلاص بصعوبه يطلع
الاحسن تخلينه بغرفه بروحه من الولاده

شلون من بعد النفاس ما يصير الياهل يهالعمر مايطول بنومته كل ساعه يقوم خلو عنكم حجي الكتب
تقدرين من عمر سنتين لين تتاكدين ان ولدج مايقوم باليل وان ينام لي الصبح وبعدين الطفل لما ينام عند امه وابوه والله يحس بالطمانينه والحنان بهالعمر مايصير نقطه جذي بروحه يطيح من سريره ولاينقلب على ويهه

وانا من راي ام فوااااز
والله ماااالي قلب اخلي بنتي بروووحها
فديتها الحين بتكمل سنتييين وخلاص لازم احطها بغرفتهااا

اما قبل لاوالله صعبههههههه

من صجكم ؟ ولدي عمره 3 سنين وبنتي سنتين واحسهم صغار لازقه اسرتهم بسريري اصلن انا ماراح اقدر انام اذا اهما مو يمي وكل شوي اطل عليهم

تو الناس اذا انتي حامل خليهم لين يكمل الصغير سنه ونص عالاقل وطلعيهم مع بعض عشان مايخافون وعشان الكبير مايحس انج مطلعته عشان تييبين ياهل ثاني

حرام فكري بنفسيته ؟

انا ايد ان الياهل من يصير عمره سنة ونص يبدى ان ينام بروح بدار بروحه انا بنتي ان شاء الله اذا صار عمرها سنة ونص راح اطلعها من الدار الله يعافي الجهاز واللحين نازل معاه كاميرا افكر اطلبه حقها وايد اريح بال لج واحسن حق الياهل انا ما ايد ان ينسدح معاج بالفراش شلون باجر يتعود مو حلو كلش حتا ما تخذين راحتج بالنوم