السلام عليكم..شلونكم بنات شخباركم…
انا توني رادة من مشتشفى هادي ..رحت اشوف الغرف عندهم استعدادا للولادة 
خل اقولكم اول شي عن الغرف اللي شفتهم وبعدين اقولكم عن اسعارهم…
1- اول شي شفت الغرفه (سوبر ديلوكس) بالدور الثاني عاديه حيييل وزوينة …وعلى فكرة في بعد اصغر منها بعد بس ماشفتها!!! 
مادري شلون بتكون اللي اصغر محكرررررر اكيد
2- وشفت ال( vip )بالدور الثالث …هذي حلوة وايد وشرحه اول ماتدخلينها في رسبشن صغير في قعدات مرتبين بعدين السرير بالجزء الثاني من الغرفة وهم بعد في قعدات..والحمام تكرمون حلو ومرتب وفي ركن صغير مطبخ تحضيري…اجمالا الغرفة حلوة وتفتح النفس 
3- اخر شي شفت ال (رويال سويت-الملكي-) بالدور الرابع…وهذي عاد شي شي الرسبشن مال الدور نفسه حلووووو وغير عن الادوار الثانية…الغرفه تهبل وديكورها غير وكشخه والغرفة كبيره طبعا والحمام تكرمون حلو وايد وكبير….يعني عموما الغرفة روووووووعة وفعلا ملكي 
الاسعاااار : 
الغرفة الاولى : الليلة ب 45 دينار
الغرفة الثانية : الليلة 95 دينار
الغرفة الثالثة : الليلة 160 دينار
وطبعا الولادة الطبيعيه تحتاج ليلتين فقط اما القيصريه تحتاج 4 ليالي …وعليكم الحسبة 
وسألتهم عن السعر الاجمالي للغرفة اللي ابيها مع الولادة وتوابعها من ادويه وفحوصات وحضانة البيبي…قالولي تقريبا بحدود 400 دينار بدوووون سعر الدكتورة (لان دكتورتي من بره المستشفى ..حسابها بروحها)
وانا سألت عن الغرفة الثانية ال vip …
حبيت افيدكم بنات عشان وايد منكم على وشك ولادة….الله يسهل عليكم وعلينا يااااارب
السلام عليكم..شلونكم بنات شخباركم…
انا توني رادة من مشتشفى هادي ..رحت اشوف الغرف عندهم استعدادا للولادة
خل اقولكم اول شي عن الغرف اللي شفتهم وبعدين اقولكم عن اسعارهم…
1- اول شي شفت الغرفه (سوبر ديلوكس) بالدور الثاني عاديه حيييل وزوينة …وعلى فكرة في بعد اصغر منها بعد بس ماشفتها!!! مادري شلون بتكون اللي اصغر محكرررررر اكيد
2- وشفت ال( vip )بالدور الثالث …هذي حلوة وايد وشرحه اول ماتدخلينها في رسبشن صغير في قعدات مرتبين بعدين السرير بالجزء الثاني من الغرفة وهم بعد في قعدات..والحمام تكرمون حلو ومرتب وفي ركن صغير مطبخ تحضيري…اجمالا الغرفة حلوة وتفتح النفس
3- اخر شي شفت ال (رويال سويت-الملكي-) بالدور الرابع…وهذي عاد شي شي الرسبشن مال الدور نفسه حلووووو وغير عن الادوار الثانية…الغرفه تهبل وديكورها غير وكشخه والغرفة كبيره طبعا والحمام تكرمون حلو وايد وكبير….يعني عموما الغرفة روووووووعة وفعلا ملكي
الاسعاااار :
الغرفة الاولى : الليلة ب 45 دينار
الغرفة الثانية : الليلة 95 دينار
الغرفة الثالثة : الليلة 160 دينار
وطبعا الولادة الطبيعيه تحتاج ليلتين فقط اما القيصريه تحتاج 4 ليالي …وعليكم الحسبة
وسألتهم عن السعر الاجمالي للغرفة اللي ابيها مع الولادة وتوابعها من ادويه وفحوصات وحضانة البيبي…قالولي تقريبا بحدود 400 دينار بدوووون سعر الدكتورة (لان دكتورتي من بره المستشفى ..حسابها بروحها)
وانا سألت عن الغرفة الثانية ال vip …
حبيت افيدكم بنات عشان وايد منكم على وشك ولادة….الله يسهل عليكم وعلينا يااااارب
انا و لدت بالهادي كنت ماخذة سويت الليلة بــ70 دينار بس بنفس الوقت غيرت من السويت خذيت ملكي الليلة على 150 دينار
و الغرف العادية كانت على 60 دينار
هالكلام قبل سنة مادري الحين اذا تغيرت الاسعار ولا نفسها
والله انا اليوم رايحه وسألتهم عن الاسعار وحطيتهم لكم مثل ماشفتوا… بس مايندرى عنهم على قولة اختي سماا…يقولون شي وتالي وانتي طالعه ياخذون شي ثاني!!!
فوق ال 1500 د.ك بس صج انا طولت عندهم من الخميس لى الاثنين ,, و ذاك اليوم كنت امدخله ولدي ليله وحده بسسسسسس و بأصغر غرفه
كان فيه جفاف و الغرفه ليلتها 25 دك لا غير و تخيلتو ان ليله وحده بس و اقصاااه جم دريب بس طلع الحساب 200 دك بالضبط صج ينهبون
هالمستشفيات الخاصه
.
غير شغل ايد الدكتورة: ماجدة اليتامى<<<حشى سيارة مو ولادة على شغل الايد
هي اخذت مني260
بصراحه عندي الملكي مال دار الشفى احلى وارقى الهادي ما ادري شلون صاير
هذا نفس نظام الراشد لوعة يحطونج بغرفة وبينج وبين اللى تولد بس طوفة وحدة جنة حاذفينة بممرات واى لووووووووووووووعة
ولادتى الثانية بدار الشفا روووعة غرفة الولادة بروحى محد يدرى عنى
انا ولدت من 9 شهور بالهادي
وكنت ناويه على الملكي بس ماشاءالله مافي ولا غرفة فاضية
خذيت السويت vipالليلة ب 90
رووووووعه والخدمه تهبل
ريما منو قال إن الراشد جذي بالعكس أنــــا والده هناك وكل خواتي هناك .. كل وحده بغرفه منعزله عن الثانيه ولاأحـــد يشوفج ولاتشوفين أحـــــد…..
بس من كثر ما سمعت من خواتي وبناتالدوام
ان اكثر المشاكل لا سمح الله اتيي من المستشفيات الخاصة
واحب اقولكم شي مهم يمكن الام اللي اول مره تولد تخاف
بس السهاله من رب العالمين
سواء ولدتي بخاص او حكووومه
وانا اعيالي اثنينهم بمستشفى الشركه
ماشالله مافيها شي خوش ولاده والحمدلله
بس هالاسعار بصراحه مالها لازمه اشدعوا 1000 دينار على ولاده عادية
حلاته الام تحس بالم بسيط بالولاده ولها الاجر صدقوووني
وعاد كيفكم
وتولدون بالسلالالامه انشالله
وعليكم السلام
مستشفي هادي حساب الدكتورة مع حساب الولادة
هذا اللي أعرفه لم ولدت بنفس الفاتورة حساب دكتورتي
والله يقومج بالسلامة يارب
حبيبتي
أنتي تقولين حساب الدكتورة غير عن حساب المستشفي
ولا أنا غلطانة
أعذريني
عاد عرفت بعدين ان دكتورتي تاخذ 200
يعني المستشفى تقريبا بيطلع 400 + 200 الدكتورة ….بس اكيد فاتورة وحده بالنهايه
انتي وين ولدتي جارة القمر؟؟؟؟