اشرايكم جذي والا جذاك ؟

صبـاح الخيــر

يا بنات بغيت رايكم

قاعده أأثث غرفتي حايسه حوس معاها وكل ساعه لي راي

خلصت من شغل العمال .. الأرضيه والطوفه

الحين دور الأثاث

خذيت سرير ماترس من غير تاج من أمريكان ماترس

يعني باقيلي الكبت والشفونيره والتواليت

السرير بسويله تاج بس مو الحين .. بخليه على حطته لما أخلص من كل شي

الحين واقفه على الكبت .. امي اقترحت علي أسوي كبت بالطوفه

غرفتي يم غرفة اختي والحمام أعزكم الله يمنا وفي باب يتسكر .. يعني شقه أو جناح

اجبال غرفنا أكو مساحه كبيره يايه بالعرض .. المفروض نسوي كبت اهني

اشرايكم ؟ نسوي الكبت بهالمساحه ؟

واستغل المساحه اللي بتصير عندي بالغرفه بدال الكبت واحط قعده أو تلفزيون بلازما بالطوفه أو أي شغله

والا أشتريلي كبت واحطه بغرفتي ؟

انا والله أشوف اقتراح كبت الطوفه برا يم غرفنا وايـــد ممتـاز

بس كل ساعه لي راي

اتمر علي أيام ما أبطل الكبت خير شر لانه الملابس الداخليه والبجامات عندي بالغرفه بيرارات الشفونيره

الكبت أحط فيه البدلات والشيلات والعبي

الشيلات والعبي على طول غسيل ولبس يومياً .. مرات ما أدخلهم بالكبت أخليهم بغرفتي عالعلاق أسرع

امبي يحليلي لا إله إلا الله هذره قلت لكم قصة حياتي

ها شنو رايكم أسوي الكبت برا يم غرفنا والا أحطه داخل ؟