اشكرك يا وزير الاعلام الكويتي !!

قوهــــــــ
شلوووونكم

من زمان ماحطيت موضوع بهالقسم فحبيت اشارك معاكم واقولكم موضوعي اليوم يتحجى عن شنو

بسم الله

حبيت اتكلم عن قناه كويتيه من الدرجه الاولى واكيد كلكم تعرفونها
( سكوب)
قناة كويتيه صاحبتها الاستاذه الكاتبه فجر السعيد
والكل شاف ولاحظ انه القناه تسكرت وانقطع بثها

بس تدرون شنو السب ؟؟

اولا بتحجى عن القناة بشكل عام
قناة سكوب اثارة ضجه كبيره بالكويت او بالخليج عامة
صوتك وصل !!!
وقناة الكويت اللي تتحجى عن متطلبات الكويتيين ومعاناتهم
تعتقدون احنا صج نعاني ؟؟
انا من وجهة نظري في اشياء احسن من اشياء مثلا احنا نعاني بالكويت من مشاكل كثيره
لكنها مو واضحه واحنا لو بنقارن بلدنا بأي بلاد ثانيه بنلقى احنا احسن بووااايد
ليش مانحمد ربنا ونخليها على الله
احنا احسن من الدول اللي فيها حروب
احنا احسن من الدول اللي فيها امراض
ولا الصحه ماتعادل بالنسبه لنا ؟؟
قناة سكووب وللاسف الشديد شوهت صورتنا امام الشعوب الثانيه خلتنا شعب يستاهل الشفقه
خلتنا شعب يحتاج للمساعدات واحنا كنا نقدم المساعدات ومازلنا
اعتقد مشاكلنا المفروض ما تكون علنا جدام الملأ ومو من حق اي انسان يتدخل بامورنا الا الكويتيين نفسهم

اهي عبالها باللي قاعده تسوي قاعده تساعد وتوصل صوت الكويت
بالعكس اهي قاعده تشوه صورتنا وتبعد صوتنا

للاسف صرنا دوله الشعوب الثانيه تشفق على حالها بمعنى الكلمه
صارو حتى اللي يشتغلون بقناتها يقولون لما تقولون اسم فجر السعيد او قناة سكووب تحطون ايدكم على راسكم
اشدعوة عليكم !!!
فجر السعيد اخت رجال فجر السعيد صاحبة مبدأ ؟؟
اي مبدا اللي تتحجون عنه مبدأ تشويه صورتنا مانبي

وانا بصراحه اقولها وبكل فخر احنا شعب كويتي نمد ايدنا عشان نساعد الناس مو عشان الناس تساعدنا
صارت سالفه مع امن الدوله وسكرو القناة
بس انا ماقول الا مشكور يا وزير الاعلام وعلى راسي
انت اللي ضبطتها

طبعا الموضوع مايكتمل الا بردودكم
واسفه عالاطاله
يعطيكم العافيه
تشكرااااات