اغراضي الشخصية ؟؟؟؟؟؟؟؟؟؟؟

حياج الله اختي واتمنى لج التوفيق ان شالله

مثل ما قالت الاخت وحطي دائما قائمة حاولي تشترينها بس ما تزيدين عليها عشان اذا خلصت تجددين من نوعيات ثانية

وموفقة

ماشالله عليج
شرحج عسل

ان شاء الله اكون فهمت قصدج … لان حاسه ان انتي تقصدين شي .. و الردود شوي غير

اعتقد المشترى الزايد بسبب الحماس … يعني ما افتكر بتضلين على طووول تشترين اغراض
وقت الدوام تصير الاولوية للبس و الجواتي و الجناط …

الوسائل اذا شريتيها حطيها بادراج و حافظي عليها … بتلقين نفسج اذا رحتي المكتبة مره ثانيه .. و شفتي شغله عندج

بتقولين حرام موجوده ليش اشتري بعد … و معوف اول جم سنه اهم اللي نشتري فيهم شغلات وايد و عقب تصير الوسائل الاساسية من صور و لوحات و بطاقات كلمات موجوده … يبقى رتوش خفيفه للتجديد كل سنه .. بس الاساسيات موجوده
و الترتيب يخليج تعرفين شنو عندج و شنو ما عندج .. ما اعتقد اذا شي موجود منه شغله او ثنتين بتردين تشترين

شنو تخصصج ؟؟

انا ابلة انجليزي … و عندي ملفات متروسه صور … فنادر لما اشتري صور يديده اما المغناطيش و الاقلام و غيرها من قرطاسيه تستهلك بسرعه فهذي ما اشبع منها

مبروك التعيين

حبيبتي يبيلج يوكس الشفاف حق اقلامج مالوت السبوره والمساحه والمغناطيس

تلقينه عند المعلم

وباجي ماقصروا البنات

إختي أكو شغلات أساسية مثل الأقلام والمساحة والبطاقات

أما الوسائل واللوحات تعتمد على المرحلة اللي راح تدرسينها بإذن الله
أتمنى لج التوفيق

من وين تشترينه وشكبره اذا صغير بلييز قولي لي من وين وكل التفاصيل لأني أبي واحد بعد