افضل مستشفى للحقن المجهرى

خواتى وبنات ديرتى تكفووون ساعدونى شنو افضل دولة ومستشفى لعمليات الحقن المجهرى لندن ولا امريكا ولا بلجيكا ولا تايلند 000
انا من 21 سنة متزوجة ومن زمان اراجع هنيه بالكويت بمستشفى الولادة وحدة طفل الانبوب بالضبط من سنة 94 وللحين مو عارفين شنو فينى وكل ما اسوى العملية عندهم تفشل 000 حاولت برة الكويت بسوريا والاردن والسعودية ويقولون انه معاى اجسام مضادة فى الدم وزوجى معاه ضعف بالسرعه والعدد وبعض المنى فيه تشوهات يعنى حمل طبيعى ما يصير الا بالحقن المجهرى وطبعا مع علاج مع انه هنيه بالكويت يقولون مافينا شى وممكن يصير عندنا حمل طبيعى 000
المهم اللحين الوزارة وافقت على علاجنا بالخارج وطبعا حسرة علينا بدون مخصصات مالية ولا تذاكر ويعلم الله من وين راح ندبرها 000 بس ودى اسال وين احسن مكان دلونى عسى الله يرزق الجميع ولا يحرم احد من الذرية

بس قبل لا اختم موضعى قولوا معاى حسبى الله ونعم الوكيل على قرارات وزارة الصحه الجديدة وعلى حرمانهم لنا طول هالسنين من العلاج برة