افـيـدكم واسـتــفـيد ويا حـلوهـا دعوة بـ ظهر الغيب ^_^

السلام عليكم ورحمة الله وبركااته ..

حياكم تفضلوا .. ويا حلو الدعوة لــ أختج المسلمة بظهر الغيب .. وحزة رمضان بعد … ياا حلوها

حياكم حبايبي ..

لله الحمد والمنه … انا ملتزمة بريجيمي مع الدكتوور محمد ربيع ..
والحمد الله نازله .. بس يبي لي جم كيلو .. وما ودي أكسل بنهاية رمضان …

يعني قياااس السمول حلو .. والاحلى منه الصحه والعاااافية .. يارب

ويااارب أضعف بصحه وعااافية … والغناة الضافية ..
وكل من دعت وقالت آآآآآمين لها بالمثل وأكثر ياااااااااااارب …

بهالصفحة ..
تحديت نفسي قبل الكل .. لأني حاااسة اني مكسله بالريجيم .. صج مو مخربطة ..
بس صايرة ازرق أكل مو مكتوب

فــ فتحت هــ الموضوع ..
استفيد .. و افيد ..

يعني .. اللي تمر .. تبي تطبق وياااي حيااااهااا .. وألف هلاااااا ومرحبا … التشجييييع بيزيد .. والتحدي بعد
واللي جاازلها الريجيم .. ونسخته .. بالعاااااااافية عليها … بس لا تنسااني من دعوتها والله يوفقها يارب …
واللي مرت مرووور الكرااام .. نوررت المووضوع .. وادعي لي بظهر الغيب …

مابي أطولها .. << بعد شنو بـــ ينقاااال ما انقال لووووول

ريجيمي بحذافيره ..

الافطار :
3 تمرات + ماء + كوب قهوة .. تروبيكانا عادي

بعد الصلاة :
قطعه او قطعتين (لحم – دجاج من ربع لي نص – همبرغر 1 او 2 – قطعتين كبار مشاوي )
+
طبق سلطة بأي صلصة وحتى لو فيها توست او خبز بس بكميات معقولة – روب بخيار – خضاااار – مرق ( اختاري )
+
3 ملاعق من اي شي جدااااااامج …

بعد التراويح :
5 تمرات – قطعه حلو وسط – عصير اي نوع – حبتين فاكهه اي نوع ( اختاري ) + قهوة .. وعادي تروبيكانا

السحووور :
2 توست اسمر + سلطة + 5 تمرات + لبن + ( لبنه لايت – جبن لايت – 4 قفاش فول ) << كل يوم شي

واحسه حيييل يشبع ..
وينزل 3 كيلو فــ أكثر ….

وان شاااء الله أبكتب يومياااتي ..
وابي تشجيعكم بنات عشااان ما أكسل … وحياااها اللي تبي تطبق .. تكتب وزنها وطووولها … وقبل العيييد بوومين نوزن
ونشوووف جم قطينا … والله يوفقناااااا ياااارب ..

وزني .. 78

طولي .. 170
حلمي 65 كيلو