قوة خواتي
بقولكم سالفتي بسرعه
انا صارلي سنة مطلقه وعندي ولد وابو ولدي يصرف على ولده بس كلش كلش مايسال عنه ولا يشوفه الا اهله من فتره لي فتره
مابغيته وتحسفت اني خذيته وحسيت اني مو قد المسؤولية وصار الطلاق بس عقب الطلاق بشهرين حسيت اني ابيه ومتحسفه ع الطلاق
قبل 5 شهور اكو شخص يصر حق ابو ولدي وهو يعرفني دزلي رساله اذا تبين صلح انا حاضر وراح اكلمه وانصدمت من الرساله واتفقت معاه ان يكلمه وكلمه وايد بس قالي انا حاولت وايد فيه يقولي لاتدخل بالموضوع,, فقالي ليش ماانتي تدقين عليه وتتنازلين شوي حتى لو كان اهو غلطان 100% تنازلي شوي عشان ولدج وبيتج
انا شرحت سويت
دقيت على ابو ولدي 
دقيت عليه يومين كاملين وانا ادق موراضي يرد علي فدزيتله مسج فيه كلام من كل قلبي واني ابيه
هالحجي قبل شهرين
لي يومكم هذا للحين مادق
انا صارلي فتره كله احلم احلام مو زينه عنه
اول شي حلمت مرتين اني رديتله بس ماتغير بلعكس عذبني اكثر من اول فكنت بالحلم ابجي متحسفه اني رديتله
وحلمت اني شفته متزوج وعنده عيال
وحلمت ان امه يايه بيتنا لمتني حيل وتبجي وقالتلي انا وامي ترا ولدي مايبيج خلاص بس انا راح ايي اشوف حفيدي من فتره لي فتره ماراح اقطع وراح اسال
وامس حلمت ان واحد تقدملي بس كان شوي كبير بالسن وانا مابيه
ويا بنات عقب كل حلم من هالاحلام احس ان تفكيري بطليقي يقل مادري ليش بس اقعد فتره مافكر فيه وايد بس بعدين ارجع افكر فيه وايد بعدين اذا حلمت حلم اقعد فتره مافكر فيه وايد .. وجذي يصير عقب كل حلم
هل الاحلام ممكن تكون معناتها اني انساه خلاص والتفت لحياتي وان هو مو خيره لي
بقولكم سالفتي بسرعه
انا صارلي سنة مطلقه وعندي ولد وابو ولدي يصرف على ولده بس كلش كلش مايسال عنه ولا يشوفه الا اهله من فتره لي فتره
مابغيته وتحسفت اني خذيته وحسيت اني مو قد المسؤولية وصار الطلاق بس عقب الطلاق بشهرين حسيت اني ابيه ومتحسفه ع الطلاق
قبل 5 شهور اكو شخص يصر حق ابو ولدي وهو يعرفني دزلي رساله اذا تبين صلح انا حاضر وراح اكلمه وانصدمت من الرساله واتفقت معاه ان يكلمه وكلمه وايد بس قالي انا حاولت وايد فيه يقولي لاتدخل بالموضوع,, فقالي ليش ماانتي تدقين عليه وتتنازلين شوي حتى لو كان اهو غلطان 100% تنازلي شوي عشان ولدج وبيتج
انا شرحت سويت
دقيت على ابو ولدي
دقيت عليه يومين كاملين وانا ادق موراضي يرد علي فدزيتله مسج فيه كلام من كل قلبي واني ابيه
هالحجي قبل شهرين
لي يومكم هذا للحين مادق
انا صارلي فتره كله احلم احلام مو زينه عنه
اول شي حلمت مرتين اني رديتله بس ماتغير بلعكس عذبني اكثر من اول فكنت بالحلم ابجي متحسفه اني رديتله
وحلمت اني شفته متزوج وعنده عيال
وحلمت ان امه يايه بيتنا لمتني حيل وتبجي وقالتلي انا وامي ترا ولدي مايبيج خلاص بس انا راح ايي اشوف حفيدي من فتره لي فتره ماراح اقطع وراح اسال
وامس حلمت ان واحد تقدملي بس كان شوي كبير بالسن وانا مابيه
ويا بنات عقب كل حلم من هالاحلام احس ان تفكيري بطليقي يقل مادري ليش بس اقعد فتره مافكر فيه وايد بس بعدين ارجع افكر فيه وايد بعدين اذا حلمت حلم اقعد فتره مافكر فيه وايد .. وجذي يصير عقب كل حلم
هل الاحلام ممكن تكون معناتها اني انساه خلاص والتفت لحياتي وان هو مو خيره لي
عسى الله يكتبلج كل خير ، ويوفقج ..
أسمحي لي يا إختي ، المنتدى ما فيه أحد متخصص بسوالف تفسير وتحديد نوع اللي قاعد يصير معاج.
المفروض تسئلين شيخ ثفه ، وناس إنتي تعرفينهم زين ..
بس جواب شافي ،ماراح تحصلينه بهالصفحه ..
عسى الله يوفقج .
ياغاليه هذا ماله شغل بالرؤيا والله اعلم لانج تفكرين بالطليق كثيرا" وشاغل بالج وهذا حديث نفس لان الي يفكر كثيرا" بشيء يأتيه عن طريق احلام وهذا يسمى احلام العقل الباطن
والاحلام تنقسم إلى ثلاث اقسام :-
الاول : هي الرؤيا الصادقه وتكون من الله يرسل ملائكه لرؤيا الشيء سواء كان تبشير ولا تحذير
وتكون الرؤيا واضحه وقصيره
والثانيه : تكون احلام من الشيطان وتسمى اطغاث احلام ويكون اكثر مافيها احلام مزعجه مخيفه من الشيطان اذا استيقضتي من حلم مزعج لازم تستعيذي بالله منها واتتفلي على يسارك ثلاثا
الثالثه : فهي التفكير بالعقل الباطن وهذا تحدث كثيرا" فمثلا" انتي تفكرين بشيء طول اليوم من كثر مومنشغل بالك تحلمين بها
والله اعلم
غاليتي ارجوا منك ان تسمعي نصيحتي لكي جيدا" وسوف اضعها لكي على الخاص
واولا واخيرا" انصحك بالاستخاره افضل من مشورة اي مخلوق لانكي وكلتي امركي لله ومن توكل على الله حق اتكاله كفاه
الافضل انج تنسينه ولاتحاولين اكثر من الي سويتيه والشخص الي يحاول يصلح سوف يتصل عليكي مره اخرى او يرسل رساله ثانيه لاتعطينه مجال ثاني
دمتي بحفظ الله ورعايته
دقيت عليه يومين كاملين وانا ادق موراضي يرد علي فدزيتله مسج فيه كلام من كل قلبي واني ابيه
ليش ليش تدقين عليه … يومين كاملين بعد..!!
خليه يروح بحاله وادعي ربج ويزرقج احسن منه.. خلي الاحلام على صوب..
مو وقته الواحد يضيع كرامته على حلم ما يدري شنو تفسيره …
وبعدين حتى هذا اللي من اهله ما عنده سالفة يسوي جذي..
لو يبي يصلح بينكم ليش يشاورج … طيب روح كلمه بدون قول وخلاص …!!
دقيتي عليه ومارد
راح له واحد يحاول الصلح وما قدر عليه
كل هالحلوم اللي ما تريح
والحين تقولين : احس تفكيري بطليقي يقل..!! لازم يتبخر يروح خلاص شيليه من راسج
والله انا اعرف مطلقات وايد … ربي رزقهم رياييل وعوضهم احسن من الاول .. صدقيني.. عليج بالدعاء .. وربي يرزقج كل خير
ويكتب الزوج الصالح سواء اهوا او غيره.. لكن لا تذلين نفسج عشانه … ديري بالج ..
انتي انسانة لج كرامتج .. وأحسن انج بعدج صغيره والدنيا جدامج … بييج النصيب الزين ان شاء الله.. وربي يفرحج عاجلا غير آجل..
،
واللي بغى الصلح الله يجزاه خيررر .. بالعكس عمله هذا خير في خيرر .. لكن ربي ما ارد لك ترجعي له وهذا الامر خيره بلا شك .. {
..
ربي يعوضك غلايْ ..
ويبلغك بولدك وهو بأعلى المراتب الدنيويه والدينيه ..}
.
غلاتي عشان ترتاحين من هالاحلام والافكار والوساوس
صلي استخاره
وتوكلي على الله وكثرري من الاستغفاار وقيام الليل والله بترتاحين وبالج يرتااح
والله يوفقج ان شاء الله^_^