الاختيار الصعب ابنتي وخطيبي

بسم الله ارحمن الرحيم

انا عضوه استفدت من خبرتكم ونصايحكم كثيربحياتي بشكل عام .. منتدى راقي أسأل الله ان يجمعنا واياكم في جنة عرضها السموات والاض

مشكلتي باختصار ..مطلقه عمري 30 سنه وعندي بنوته عمرها 3 سنوات ونص..تقدم لي ابن عمي عمره 34 غير مرتبط حاليا….وكان يحبني من زماااان وحاول يتقدم لي قبل زواجي بس رفضت كنت احسه مثل اخوي بعد ماتزوجت انا راح خطب وحده وتموا مخطوبين سنتين بس ماالله وفق بينهم وانفصلو… لكن الان اختلف الوضع حسيت براحه تجاهه كبيره ولله الحمد ولما تقدم لي بعد طلاقي كبر بعيني اكثر وحسيته شاريني رغم كل ظروفي …الان لنا سنه مخطوبين بدون ملكه خطبه فقط الين يتنفذ شرطي او نلقى لنا مخرج بمشكلتنا..السبب ان هو ساكن بالشرقيه علشان عمله ..وانا بالرياض عملي وبنتتتتتتتتي مااقدر اعيش في منطقه وهي بمنطقه خصوصا ان والدتي الله يعطيها العافيه كبيرة سن وماراح تقدر على تربيتها والاهتمام فيها لحالها وبنتي بكره وراها مدرسة وقومة صبح ومذاكره فلازم اكون جنبها عشان كذا انا شرطت عليه ينقل الرياض اذا نقل او صار بوادر نقل ذيك الساعه نملك مابغى اتوهق مره ثانيه هذي زواجتي الثانيه فلازم اكون حذره في القرارات..المهم هو طوال هالسنه سوا اللي يقدر عليه عشان ينقل وماطلع بأي نتيجه للأسف نقله شبه مستحييييل ومن هنا بدأت المشكله كنا متعشمين انها تتيسر من الله ولازال عندي امل في الله كبير سبحانه لكن لازم نبحث عن حلول مو معقوله نتم مخطوبين بس كذا الى متى!!

فكلمني وقالي فكري معاي بحل ..يا أما انك تضلين بالرياض وانا بالشرقيه واجيك كل ويكند وبالاجازت بس فكري قبلها وقوليلي بتستحملين هالوضع او لا ..انا مو دايم بكون جنبك ولا ابغى يجي يوم تندمين انك تزوجتيني

او انك تنقلين معي للشرقيه وبهالحاله انا بنتي ماراح تكون معي لان اكيد ابوها ماراح يرضى نهائيا انها تطلع من الرياض …بتقولون بتكبر وبياخذها انا عامله حسابي اني اسكن مع امي فوق بشقه اذا تزوجت وبكذا ماراح اخسر حضانتها وهو مو مرره ملزم انه ياخذها طبيب ومناوبات ومو فاضي لها اساسا..

محتاره يابنات شوروا علي انا تعلقت فيه ومااتخيل انه بيبتعد عني يوم او يكون لغيري مااااااااااابي اخسره …وش الحل وش ممكن يكون !!! فيدوني الله ييسر اموركم ويرزقكم من حيث لاتحتسبون