الاشياء اللي اثبت الحمل

ان شالله الله يثبت لج الحمل

سوالف الحمل واللوعه وغيره مو الحين

يمكن بالشهر الثاني او الثالث تلاحظين

انا عموما ماكنت اتوحم بس كان مالي خلق

وكله ابي انام ماكنت اتوحم باكل معين او غيره

كل حامل تختلف عن الثانيه

وبخصوص القطوه وايد اسمع انها مو زينه حق الحامل

افضل لما تراجعين دكتوره تسالينها خاصه يقولون

القطاوه فيهم مكروبات تاثر على الحامل فانتبهي

حبيبتي الله يتمم عليج يارب و هذا العوار طبيعي بس حاولي انج تناين على ضهرج و ترفعين ريلج اشويه او تحطينها على طوفه
و ما يحتاي ابر مثبته انا وحده رياضه و عرس و رقص و كبات و جري و كليه و دري و كل هسوالف احمد لله الله ثبتاه بس نمت على ضهري و الحمد لله

حبيبتي مبروك الحمل

و الله يثبته و يفرحج فيه ماكو شي يثبت الحمل غير كتبة ربج سبحانة و لازم تحافضين على روحج

و النساة تبدي في الاسبوع الثامن و ترى كل وحدة غير عن الثانية في ناس تبدي معاهم بالرابع

و اهم شي لا تهملين مراجعاتج و الادوية

هلا حبوبه

اهم شى الراحه راجعى دكتورتج واذا انتى محتاجه ابر تثبيت او ادويه هى راح تعطيج

اناكنت استخدم ديفستون حبوب مثبته والحمدلله
بالنسبه للنساه يختلف كانت دكتورتى تقول لاتعبتى بالنساه حيل دليل ان الجنين ينمو زين

الموانع كل شى يتعبج ابتعدى عنه مثل المشى الطويل الشيل القيل

الشهور الاولى خففو من0000000000000000000اتمنى فهمتى

القطوه بصراااااحه ماواطنها ولادرى شنو محببج فيها ولو تتخلين عنها احسن

اخاف باجر ولدج يتعلق فيها بعد وتبتلشين امراض وبلاوى متلته بسبتها

اتمنى اكون افدتج

حمل مبارك وولاده سهله وطفل صالح باذن الله

1- ألف مبروووووك

2- القطوة أكثر شي مضر فيها اهوا تنظيفها و دايما الدكاترة يحذرون الحوامل من تنظيف وسخ القطاوة غير جذي ان شاء الله ما فيها مضرة (مع اني ما اواطن القطاوة)

3- لازم تاخذين فوليك اسيد و فيتامين ب ، في حبوب في بووتس و بالصيدليات اسمها pregnacare فيها كل الفيتامينات اللي تحتاجينها وقت الحمل
بالنسبة للكالسيوم هذا عالشهر الرابع تقريبا

4- اذا انتي سبق انج حملتي و طاح الياهل اخذي حبوب ديفستون من الصيدلية مالهم ضرر حتى من غير استشارة طبيب ، هذي حبوب نثبيت خفيفة

5- الخس، اكلي خس كثر ما تقدرين
ادري شي غريب بس انا لما حملت كنت ما اكل غير الخس و لما سويت بحث عن علاقة الخس بالحمل اتضح ان الخس مثبت طبيعي للحمل سبحان الله، معلومة غريبة و اتوقع ماحد يعرفها

6- مثل ما قالوا انسدحي و رفعي ريولج و لا تتحركين و اذا تقدرين حتى لا تداومين
أهم شي بداية الحمل تكون سليمة

7- انتبهي لأكلج، لا تيوعين دايما اكلي اليوع مو زين (هذا من تجاربي انا مطيحة مرتين عشان جذي مسوية بحث كامل للاحتياطات اللي اتخذها المرة اليايه)

8- الممنوعات: الأشياء الحارة مثل الزنجبيل، النعناع، المرميه ، الدارسين، الزعتر،
حاولي تخففين قهوة و شاي و هيل و زعفران
اي نوع من الأعشاب تأكدي انه يناسب الحوامل ترا الأعشاب بالذات وايد خطرة يعني سالفة الهيل و الزعفران عرفتها بالصدفة خلال قراءاتي بالموضوع

9- لبسي ملابس واسعة عند البطن

10- دايما اقري الرقية على بطنج كثر ما تقدرين و خلي زوجج بعد يحط ايده على بطنج و يقرا الرقية

11- اللاب توب لا تحطينه بحضنج

12- لا تجندسين

13- شربي ماي كثر ما تقدرين ، واااايد مهم

14 – اذا تبين نظام غذائي انا مجهزته حق نفسي من خلال البحوث اللي سويتها عالموضوع قوليلي

15- الحالة النفسية انتبهي لها ، حاولي تكونين ايجابية و مرتاحة و فرحانه و ريلاكس

16- نامي النوم مهم

17- بالنسبة للنساة ، ترا في ناس ما يتنسون يعني النساة مو ضروري يصير حق كل وحدة بس اهوا فرصة حلوة للدلع

انا وايد ادقق بالأشياء و كل شي اسوي عليه بحث لما أتأكد منه 10000%

ربي يثبت البيبي و يفرحكم و يسهل عليج

ثبت علميا ان االقطط لها علاقه مباشرة في الاجهاض وموت وتشوهات الاجنه لانها تحتوي على جرثومه